டிஸ்னியின் 24 மணி நேர தமிழ் கார்ட்டூன் சேனல்!
சென்னை:
குழந்தைகளுக்காக 24 மணி நேர தமிழ் கார்ட்டூன் சேனலை வால்ட் டிஸ்னி இந்தியா நிறுவனம் தொடங்க இருக்கிறது.
இந்த தொலைக்காட்சி சேனலுக்கு டூன் டிஸ்னி என்று பெயரிடப்பட்டுள்ளது. இது தொடர்பாக வால்ட் டிஸ்னி இந்தியா நிறுவனத்தின் நிர்வாக இயக்குனர் ரஜத் ஜெயின் கூறியதாவது:
குழந்தைகளுக்கான பொழுது போக்கு நிகழ்ச்சிகளை வழங்குவதில் வால்ட் டிஸ்னி நிறுவனம் முன்னிலை வகிக்கிறது. எங்கள் நிறுவனம் டூன் டிஸ்னி என்ற தமிழ் சேனலை தொடங்கியுள்ளது. இந்த வருடம் 1,800 மணி நேர நிகழ்ச்சிகளை தமிழில் டப்பிங் செய்து ஒளிபரப்ப இருக்கிறோம். பின்பு பல்வேறு வயது குழந்தைகளைக் கவரும் வகையில் பல நிகழ்ச்சிகளை வழங்கத் திட்டமிடப்பட்டிருக்கிறது
மிக்கி மெளஸ், டொனால்டு டக், ஸ்பைடர் மேன், அலாவுதீன் ஆகிய கார்ட்டூன் தொடர்கள் இந்தத் தொலைக்காட்சியில் ஒளிபரப்பப்படும். கட்டண தொலைக்காட்சியான இதை ஸ்டார் குழுமம் இந்தியாவில் ஒளிபரப்பும்.
மக்கள் இதன் சிறப்பை உணரும் வகையில் சில நாட்களுக்கு இலவசமாக ஒளிபரப்ப கேபிள் டி.வி. வினியோகஸ்தர்களிடம் பேசி வருகிறோம் என்றார்.