விடுதலைப் புலிகள் அலுவலகம் மீது குண்டு வீச்சு

கொழும்பு:

இலங்கையில், மட்டக்களப்பு அருகே உள்ள அக்கரைப்பட்டு பகுதியில் விடுதலைப் புலிகளின் நிர்வாக அலுவலகம் மீது குண்டுவீசப்பட்டது. இதில் யாரும் காயமடையவில்லை.

மட்டக்களப்பிலிருந்து 64 கிலோமீட்டர் தொலைவில் உள்ள அக்கரைப்பட்டு-அம்பாரை சாலையில் விடுதலைப் புலிகளின்நிர்வாக அலுவலகம் உள்ளது.புதன்கிழமை அதிகாலை 2 மணியளவில் அடையாளம் தெரியாத சிலர், இந்த அலுவலகம் மீது 2கிரானைட் ரக குண்டுகளை வீசித் தாக்கி விட்டுத் தப்பிச் சென்றனர்.

சம்பவம் நடந்தபோது இந்த அலுவலகத்தில் 6 விடுதலைப் புலிகள் இருந்தனர். இந்த குண்டு வீச்சில் யாரும் காயமடையவில்லை.அலுவலகம் சேதமடைந்தது.

குண்டு வீச்சு குறித்து, போர் நிறுத்தத்தைக் கண்காணிக்கும் குழுவிடம் விடுதலைப் புலிகள் புகார் தெரிவித்துள்ளனர்.