இன்று சிவாஜி நினைவு தினம்: எம்.ஆர்.ராதா தபால் தலை வெளியீடு

சென்னை:

நடிகர் திலகம் சிவாஜி கணேசனின் 4வது ஆண்டு நினைவு தினத்தையொட்டி சென்னையில் இன்று நடைபெறும் நிகழ்ச்சியில்மறைந்த நடிகர் எம்.ஆர்.ராதா, நடிகை கண்ணாம்பா ஆகியோரின் தபால் தலைகள் வெளியிடப்படவுள்ளன.

சிவாஜி கணேசனின் நினைவு நாளையொட்டி சிவாஜி-பிரபு அறக்கட்டளை சார்பில் சென்னை மயிலாப்பூரில் உள்ள சிவகாமிபெத்தாச்சி அரங்கத்தில் சிறப்பு நிகழ்ச்சிக்கு ஏற்பாடு செய்யப்பட்டுள்ளது.

இதில் மறைந்த நடிகர் எம்.ஆர்.ராதா, நடிகை கண்ணாம்பா (மனோகராவில் சிவாஜியின் தாயாராக நடித்தவர்) ஆகியோரின்நினைவு தபால் தலைகள் வெளியிடப்படுகின்றன.

தமிழ்நாடு வட்ட தலைமை அஞ்சல் துறை தலைவர் வத்சலா ரகு தபால் தலைகளை வெளியிடுகிறார். நிகழ்ச்சியில் கவிஞர்வாலி, தொழிலதிபர் நல்லி குப்புசாமி செட்டியார் உள்ளிட்டோர் கலந்து கொள்கின்றனர்.

முன்னதாக சிவாஜி கணேசனின் வீட்டில் காலையில் நினைவு நாள் அஞ்சலி நிகழ்ச்சி நிடைபெறுகிறது. இதில் திரையுலகினர், பல்துறை பிரமுகர்கள் கலந்து கொண்டு அவரது படத்திற்கு மலரஞ்சலி செலுத்துகின்றனர்.