மதமாற்ற தடை சட்டத்தை நீக்க மாநில அரசுகளுக்கு தயாநிதி கோரிக்கை

டெல்லி:

பல்வேறு மாநிலங்களில் அமலில் உள்ள கட்டாய மதமாற்றத் தடை சட்டத்தை நீக்க வேண்டும் என்று மத்திய தகவல் தொடர்புத்துறை அமைச்சர் தயாநிதி மாறன் கூறியுள்ளார்.

டெல்லியில் நடந்த தேசிய ஒருமைப்பாட்டுக் கவுன்சில் கூட்டத்தில் பேசிய மாறன், தமிழகம் உள்ளிட்ட சில மாநிலங்களில்கட்டாய மதமாற்றத் தடைச் சட்டம் இன்னும் அமலில் உள்ளது.

இந்தச் சட்டம் அரசியல் சட்டத்தில் கொடுக்கப்பட்டுள்ள உரிமைகளுக்கு முரணாக உள்ளது. எனவே அதை நீக்க சம்பந்தப்பட்டமாநில அரசுகள் முன்வர வேண்டும்.

அதேபோல, முழுமையான மாநில சுயாட்சி என்பதுதான் திமுகவின் உறுதியான கொள்கை. அதற்கு உறுதி செய்யும் வகையில்,அரசியல் சட்டத்தில் திருத்தம் கொண்டு வரப்பட வேண்டும்.

இதன் மூலம் மாநில அரசுகளுக்கு அதிக அதிகாரம் கிடைக்கும், மக்களுக்கும் அதிக அளவில் நன்மைகள் கிடைக்கும் என்றார்.