அதிமுகவில் இணைந்தார் நடிகர் ஆனந்தராஜ்

சென்னை:

வில்லன் நடிகர் ஆனந்தராஜ் முதல்வர் ஜெயலலிதா முன்னிலையில் இன்று அதிமுகவில் இணைந்தார்.

பாண்டிச்சேரியைச் சேர்ந்த ஆனந்தராஜ் சமீப காலமாக அரசியலில் ஆர்வம் காட்டி வருகிறார். பாமகவை கடுமையாக விமர்சித்துவருகிறார். இந் நிலையில் இன்று ஜெயலலிதாவை சந்தித்து தன்னை அதிமுகவில் இணைத்துக் காண்டார்.

அதிமுகவின் 34வது ஆண்டு தினத்தையொட்டி சென்னை ராயப்பேட்டையில் உள்ள அக் கட்சியின் தலைமக் கழக அலுவலகத்தில்விழா கொண்டாடப்பட்டது.

இதில் முதல்வர் ஜெயலலிதா கலந்து கொண்டு எம்.ஜி.ஆர். சிலைக்கு மாலை அணிவித்து இனிப்புகள் வழங்கினார். இந்தநிகழ்ச்சியின்போது ஆனந்தராஜ் ஜெயலலிதா முன்னிலையில் அதிமுகவில் இணைந்தார்.

ஆனந்தராஜை, நடிகரும், அதிமுக எம்.எல்.ஏ.வுமான ராதாரவி ஜெயலலிதாவிடம் அறிமுகப்படுத்தி வைத்தார்.

புதுவை சட்டசபைத் தேர்தலில் போட்டியிடும் எண்ணத்தில் உள்ள ஆனந்தராஜ், பாமகவுக்கு எதிராக ஜெயலலிதாவால் தீவிரமாககளம் இறக்கப்படக் கூடும் என எதிர்பார்க்கப்படுகிறது.