போகி அன்று சட்டசபையைக் கூட்டுவதா? திமுக கண்டனம்

சென்னை:

போகிப் பண்டிகை அன்று தமிழக சட்டசபையைக் கூட்டியிருப்பதற்கு திமுக கடும் கண்டனம் தெரிவித்துள்ளது.

இதுதொடர்பாக திமுக பொதுச் செயலாளர் அன்பழகன் வெளியிட்டுள்ள அறிக்கையில், தமிழர் திருநாளாம் பொங்கல்பண்டிகை வருகிற 14ம் தேதி கொண்டாடப்படுகிறது.

பொங்கலுக்கு முந்தைய நாள் போகிப் பண்டிகையும், மறு நாள் மாட்டுப் பொங்கலும் கொண்டாடப்படுவது வழக்கம். இந்தநிலையில் போகிப் பண்டிகையைக் கொண்டாடும் நாளன்று தமிழக சட்டசபைக் கூட்டத் தொடரை கூட்ட தமிழக அரசுஆளுநருக்குப் பரிந்துரைத்துள்ளது.

இது தமிழர்களின் உணர்வுகளை கொச்சைப்படுத்தி, இழிவுபடுத்துவதாகும். தமிழக அரசின் இந்த செயல் வன்மையாககண்டிக்கத்தக்கது. தமிழகத்தை ஆளும் அரசின் ஆணவப் போக்கையே இது காட்டுகிறது. இந்த செயலை திமுக கடுமையாககண்டிக்கிறது என்று கூறியுள்ளார்.