• search
For Quick Alerts
ALLOW NOTIFICATIONS  
For Daily Alerts

அதிக கேள்வி- சேகர்பாபு: அதிக பதில்- ஓபி

By Staff
|

சென்னை:

நடந்து முடிந்த 12வது சட்டசபையில் அதிக கேள்வி கேட்ட உறுப்பினர்களில் அதிமுகவைச் சேர்ந்த சேகர்பாபுதான் முன்னிலைவகிக்கிறார். அதேபோல அதிக வினாக்களுக்குப் பதில் அளித்தவர் என்ற பெருமை அமைச்சர் ஓ.பன்னீர் செல்வத்துக்குக்கிடைத்துள்ளது.

சட்டசபைக் கூட்டத் தொடரின் கடைசி நாளான நேற்று கடைசியாக சபாநயகர் காளிமுத்து பேசினார். அப்போது, பல்வேறு புள்ளிவிவரங்களை அவர் தெரிவித்தார். அதன் விவரம்:

நடந்து முடிந்த சட்டசபை 12வது சட்டசபையாகும். கடந்த 2001ம் ஆண்டு மே மாதம் 22ம் தேதி முதல் கூட்டத் தொடர் கூடியது.அதன் பின்னர் கடந்த ஐந்து ஆண்டுகளில் மொத்தம் 12 கூட்டத் தொடர்கள் நடந்துள்ளன.

கடைசிக் கூட்டத் தொடர் 13.1.2006 அன்று கூடியது. கடைசிக் கூட்டத் தொடர் மொத்தம் 11 நாட்கள் நடந்தது. ஒட்டுமொத்தமாககடந்த 5 ஆண்டுகில் 188 நாட்கள் சபைக் கூட்டம் நடந்துள்ளது.

47 நாட்கள் மாலையிலும் கூட்டம் நடத்தப்பட்டது. ஆளுநர் உரைக்கு நன்றி தெரிவிக்கும் தீர்மானம் மீது 25 நாட்கள் விவாதம்நடந்துள்ளது. 168 உறுப்பினர்கள் மொத்தம் 70 மணி நேரம் 56 நிமிடம் உரையாற்றியுள்ளனர். 155 உறுப்பினர்கள் 87 மணி நேரம்23 நிமிடங்கள் பேசியுள்ளனர்.

சட்டசபையில் அதிக கேள்விகள் கேட்டவர் அதிமுக உறுப்பினர் சேகர்பாபுதான். அவருக்கு அடுத்து சந்திரமோகன் (அதிமுக),ஏழுமலை (அதிமுக), மனோஜ் பாண்டியன் (அதிமுக), ஐ.கணேசன் (பாமக) ஆகியோர் உள்ளனர். திமுகவினர் யாரும் முன்னணிகேள்வியாளர்கள் பட்டியலில் இல்லை என்பது குறிப்பிடத்தக்கது.

பாமகவைச் சேர்ந்த ஐ.கணேசன்தான் அதிக அளவில் கேள்விகள் கொடுத்து அவற்றை கேட்க அனுமதிக்கப்பட்டவர்களில்முதலிடத்தில் உள்ளனர். அவரைத் தொடர்ந்து சந்திரமோகன் (அதிமுக), கோவை தங்கம் (காங்கிரஸ்), அரசன் (பாஜக),ஜி.கே.மணி (பாமக) ஆகியோர் உள்ளனர். இதிலும் திமுகவினர் யாரையும் காணவில்லை.

அதிக வினாக்களுக்குப் பதில் அளித்தவர்களில் பொதுப்பணித்துறை அமைச்சர் ஓ.பன்னீர்செல்வம்தான் முதலிடத்தில் உள்ளார்.அவருக்கு அடுத்து அமைச்சர்கள் தளவாய் சுந்தரம், கே.பி.அன்பழகன், நத்தம் விஸ்வநிாதன் , பி.சி.ராமசாமி ஆகியோர்உள்ளனர்.

முதல்வர் ஜெயலலிதா கேள்வி நேரம் உள்பட அனைத்து விவாதங்களிலும் பங்கு கொண்டு மொத்தம் 48 மணி நேரம் 52நிமிடங்கள் பேசியுள்ளார். மொத்தம் 1,614 முறை விளக்கம் அளித்துள்ளார். 110 விதியின் கீழ் மொத்தம் 52 அறிவிப்புகளை அவர்வெளியிட்டுள்ளார்.

Mail this to a friend  Post your feedback  Print this page 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more