இன்றும் 54 இலங்கை அகதிகள் தமிழகம் வருகை

ராமேஸ்வரம்:

இலங்கையிலிருந்து இன்றும் 54 அகதிகள் ராமேஸ்வரம் வந்துள்ளனர்.

இலங்கையிலிருந்து தினசரி அகதிகள் வந்தவண்ணம் உள்ளனர். இதுவரை மொத்தம் 289 பேர் அகதிகளாக வந்துள்ளனர். இந்நிலையில் இன்று ஒரே நாளில் 54 பேர் இலங்கையிலிருந்து அகதிகளாக வந்துள்ளனர்.

இவர்கள் அனைவரும் ராணுவத்தின் கட்டுப்பாட்டில் உள்ள யாழ்ப்பாணம் பகுதியைச் சேர்ந்தவர்கள் என்று தெரிய வந்துள்ளது.

போலீஸ் விசாரணைக்கு பின்னர் இவர்கள் அனைவரும் மண்டபம் முகாமுக்கு அனுப்பி வைக்கப்பட்டனர்.