அதிமுக கூட்டணி: புதிய தமிழகம் ரெடி

சென்னை:

விடுதலைச் சிறுத்தைகளை அதிமுக அழைத்து தனது கூட்டணியில் சேர்த்துக் கொண்டுவிட்ட நிலையில், தானும்அதிமுக கூட்டணியில் சேரத் தயார் என்று புதிய தமிழகம் கட்சியின் தலைவர் டாக்டர் கிருஷ்ணசாமி கூறியுள்ளார்.

திமுக கூட்டணியில் இடமில்லாமல் போனதால் கடுப்பில் இருந்த திருமாவளவனை அதிமுக வளைத்துவிட்டது.அவருக்கு 9 தொகுதிகள் தரப்பட்டுள்ளன.

திண்டிவனம் ராமமூர்த்தியின் தமிழ்நாடு இந்தியா காங்கிரஸ், மக்கள் கட்சி தொடங்கியுள்ள தீரன், லட்சியதிமுகவை நடத்தும் விஜய டி.ராஜேந்தர் ஆகியோருக்கும் ஒற்றை இலக்கத்தில் அதிமுக சீட் தரவுள்ளது.

இந் நிலையில் புதிய தமிழகம் தலைவர் கிருஷ்ணசாமி கூறுகையில்,

முதலில் நாஙகள் 150 தொகுதிகளில் போட்டியிட முடிவு செய்தோம். அதிமுக கதவுகள் கூட்டணிக்காகதிறந்திருப்பதாக முதல்வர் ஜெயலலிதா கூறியுள்ளார். இதனால் கூட்டணிக்கான வாய்ப்பு வந்தால் அதைஏற்"பாம். கதவு திறந்திருந்தால் மட்டும் போதாது. முறையான அழைப்பு வந்தால் கூட்டணி பற்றி பேசத் தயார்என்றார்.

கடந்த தேர்தலில் திமுக கூட்டணியில் 10 தொகுதிகளில் போட்டியிட்டு அனைத்திலும் தோற்றது இக் கட்சி.

கிருஷ்ணசாமியை கூட்டணியில் சேர்க்க திருமாவளவன் அனுமதிப்பாரா என்று தெரியவில்லை.