ஆஸ்திரேலிய பிரதமர் சென்னை வருகை

சென்னை:

இந்தியா வந்துள்ள ஆஸ்திரேலிய பிரதமர் ஜான் ஹோவர்ட் இன்றிரவு சென்னைவருகிறார்.

ஜான்ஹோவர்ட் தனது மனைவியுடன் அரசு முறைப் பயணமாக இந்தியா வந்துள்ளார்.அவருக்கு ஜனாதிபதி மாளிகையில் மிகச் சிறப்பான வரவேற்பு அளிக்கப்பட்டது.

சர்வதேச விவகாரங்கள், இரு நாட்டு பொருளாதாரக் கூட்டுறவு ஆகியவை குறித்துஅவர் ஜனாதிபதி கலாம், பிரதமர் மன்மோகன் சிங்குடன் ஆலோசனை நடத்தினார்.

இந் நிலையில் ஹோவர்ட் இன்று தனி விமானம் மூலம் சென்னை வருகிறார். நாளைகாலை சென்னை ஐ.ஐ.டி.யில் நடைபெறும் விழாவில் கலந்து கொண்டு பேசுகிறார்.

பின்னர் ஆளுனர் பர்னாலா, முதல்வர் ஜெயலலிதா ஆகியோர் ஹோவர்ட்டைசந்திக்கின்றனர்.

அதன் பின்னர் இந்தோ-ஆஸ்திரேலிய வர்த்தக சபைக் கூட்டத்தில் கலந்து கொண்டுபேசுகிறார். ஆஸ்திரேலியப் பிரதமரின் வருகையையொட்டி சென்னையில் பலத்தபாதுகாப்பு ஏற்பாடுகள் செய்யப்பட்டுள்ளன.

சமீபத்தில் தான் தனது 10 ஆண்டு பதவிக் காலத்தை ஹோவர்ட் தாண்டினார் என்பதுகுறிப்பிடத்தக்கது.