தேர்தல்: பாஜகவுக்கு இந்து முன்னணி நிபந்தனை

வேலூர்:

சட்டசபைத் தேர்தலில் தனித்துப் போட்டியிட்டால்தான் பாஜகவுக்கு ஆதரவு தருவோம்என்று இந்து முன்னணி மாநில அமைப்பாளர் ராம கோபாலன் கூறியுள்ளார்.

வேலூரில் செய்தியாளர்களிடம் அவர் பேசுகையில், அதிமுகவுடன் பாஜக கூட்டணிவைத்தால் என்னால் பாஜகவை ஆதரிக்க முடியாது. இரண்டு திராவிடக் கட்சிகளும்இந்து விரோதக் கட்சிகள்தான்.

தேர்தல் பிரசாரம், யாருக்கு ஆதரவு என்பதில் நாங்கள் இன்னும் இறுதி முடிவுஎடுக்கவில்லை. முஸ்லீம் லீக், கம்யூனிஸ்ட், காங்கிரஸ் ஆகியோர் இடம்பெற்றுள்ளகூட்டணியை மக்கள் தோற்கடிக்க வேண்டும்.

தற்போதுள்ள நிலையைப் பார்த்தால், சட்டசபைத் தேர்தலுக்குப் பின் யாருக்கும்பெரும்பான்மை கிடைக்காத நிலையே ஏற்படும் எனத் தோன்றுகிறது. இருந்தாலும்இந்த நிலை பின்னர் மாறும் என நினைக்கிறேன்.

நடிகர்கள் அரசியலுக்கு வரக் கூடாது என யாரும் கூற முடியாது. நடிப்பு போலஅரசியலும் ஒரு தொழில்தான். எனவே அவர்களும் அரசியலுக்கு வர அத்தனைஉரிமையும் உண்டு.

என்றாலும் அவர்களது கவர்ச்சியில் மட்டும் வாக்காளர்கள் கவனம் செலுத்தக் கூடாதுஎன்றார் ராம. கோபாலன்.

ஜெயேந்திரரைக் கைது செய்த முதல்வர் ஜெயலலிதாவுடன் கூட்டணி கூடாது என்றநிலையில் இந்து முன்னணி உள்ளது.