• search
For Quick Alerts
ALLOW NOTIFICATIONS  
For Daily Alerts
Just In

கூட்டணி கட்சிகளின் தொகுதிகள்: திமுக படுவேகம்

By Staff
|

சென்னை:

திமுக தலைவர் கருணாநிதியை தமிழக காங்கிரஸ் கட்சியின் மேலிடப் பொறுப்பாளர்வீரப்ப மொய்லி இன்று சந்தித்து விருப்ப தொகுதிகள் குறித்த பட்டியலை வழங்குவார்என்று தெரிகிறது.

தமிழக காங்கிரஸ் கட்சி 48 தொகுதிகளில் போட்டியிடவுள்ளது. இந்தத் தொகுதிகளைஒதுக்குவதற்கு வசதியாக விருப்ப பட்டியலை வழங்குமாறு திமுக கோரியுள்ளது.

மற்ற கட்சிகள் அனைத்தும் பட்டியலைத் தந்துவிட்டன. காங்கிரஸில் கோஷ்டிகள்அதிகம் என்பதால் சென்னையில் வைத்து இந்தப் பட்டியலை முடிவு செய்ய முடியாதநிலையில் அக் கட்சி உள்ளது.

இதையடுத்து டெல்லியில் வைத்து தமிழக காங்கிரஸ் கோஷ்டித் தலைவர்களுடன்வீரப்ப மொய்லி ஆலோசனை நடத்தினார். இதைத் தொடர்ந்து பட்டியல்தயாரிக்கப்பட்டு சோனியா காந்தியிடம் காட்டப்பட்டது. அவர் ஒப்புதல் அளித்துவிட்டார்.

இதைத் தொடர்ந்து இன்று சென்னை வரும் மொய்லி, தமிழக காங்கிரஸ் தலைவர்கிருஷ்ணசாமி உள்ளிட்டோருடன் அண்ணா அறிவாலயம் சென்று கருணாநிதியைசந்தித்து தொகுதி விவரப் பட்டியலை வழங்கவுள்ளார்.

மொத்தம் 60 தொகுதிகள் அடங்கிய பட்டியலை காங்கிரஸ் கட்சி தரவுள்ளது.அதிலிருந்து 48 தொகுதிகள் அக்கட்சிக்கு ஒதுக்கப்படும். அதே போல பாமக,மார்க்சிஸ்ட் கம்யூனிஸ்ட், இந்திய கம்யூனிஸ்ட், முஸ்லீம் லீக் ஆகியவற்றின் தொகுதிப்பட்டியல்களும் கிட்டத்தட்ட தயாராகிவிட்டதாகத் தெரிகிறது.

இதையடுத்து நாளை அல்லது நாளை மறுதினமே திமுக கூட்டணிக் கட்சிகள்போட்டியிடும் தொகுதிகள் பட்டியல் வெளியாகிவிடும் என்று தெரிகிறது.

இந் நிலையில் இன்று செய்தியாளர்களிடம் பேசிய கருணாநிதி, கூட்டணி கட்சிகளுக்கு ஒதுக்கப்பட்டுள்ள தொகுதிகள் பட்டியல்இன்னும் ஓரிரு நாட்களில் வெளியிடப்படும். அதன் பின்னர் திமுக வேட்பாளர் பட்டியல் வெளியிடப்படும் என்றார்.

இதற்கிடையே தேர்தலில் சீட் கேட்டு மொத்தம் 8,000க்கும் மேற்பட்ட காங்கிரஸார்விண்ணப்பம் அளித்துள்ளனர். விண்ணப்பம் பெறும் பணி முடிவடைந்து விட்டது.

Mail this to a friend  Post your feedback  Print this page 

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X