இட ஒதுக்கீடு: ராமதாஸ் டெல்லி பயணம்

சென்னை:

ஐஐடி உள்ளிட்ட மத்திய அரசின் உயர் கல்வி நிறுவனங்களில்பிற்படுத்தப்பட்டோருக்கான இட ஒதுக்கீட்டை அமல்படுத்த வேண்டும் என்று கோரிபிரதமர் மன்மோகன்சிங், மத்திய மனித வள அமைச்சர் அர்ஜூன் சிங்கிடம் மனுகொடுப்பதற்காக பாமக நிறுவனர் ராமதாஸ் இன்று மாலை டெல்லி செல்கிறார்.

மத்திய அரசின் கல்வி நிறுவனங்களான ஐஐடி, ஐஐஎம், மருத்துவ உயர் கல்விஉள்ளிட்டவற்றில் பிற்படுத்தப்பட்ட, மிகவும் பிற்படுத்தப்பட்ட மாணவர்களுக்கு 27சதவீத இட ஒதுக்கீடு அளிக்க மத்திய அரசு உத்தேசித்துள்ளது.

இதற்கு டெல்லியில் மருத்துவ மாணவர்கள் இடையே கடும் எதிர்ப்பு கிளம்பியுள்ளது.மருத்துவக் கல்லூரி மாணவர்கள், மருத்துவர்கள் உள்ளிட்டோர் சில தினங்களாகபோராட்டம் நடத்தி வருகிறார்கள்.

இந் நிலையில் பாமக நிறுவனர் ராமதாஸ் இன்று டெல்லி கிளம்புகிறார். அங்கு பிரதமர்மன்மோகன் சிங், அமைச்சர் அர்ஜூன் சிங், காங்கிரஸ் தலைவர் சோனியா காந்திஆகியோரை சந்திக்கிறார்.

அவர்களிடம் எக்காரணம் கொண்டும் மத்திய அரசு தனது நிலையிலிருந்து விலகிவிடக் கூடாது, இந்த ஆண்டு முதலே இட ஒதுக்கீட்டை அமல்படுத்த வேண்டும் என்றுஅவர் கோரவுள்ளார்.