புதுவை உள்ளாட்சி தேர்தல்-அதிமுக குழு அமைப்பு

சென்னை:

புதுவை உள்ளாட்சித் தேர்தல் அமைப்பு பங்கீடு தொடர்பாக கூட்டணிக் கட்சிகளுடன்பேச்சு நடத்த அதிமுக சார்பில் குழு அமைக்கப்பட்டுள்ளது.

இதுதொடர்பாக அதிமுக பொதுச் செயலாளர் ஜெயலலிதா விடுத்துள்ள அறிக்கையில்,

புதுவை மாநில உள்ளாட்சித் தேர்தலில் அதிமுக தலைமையிலான கூட்டணியில் இடம்பெற்றுள்ள கட்சிகளுக்கு இடையேயான அமைப்பு பங்கீடு தொடர்பாக ஆலோசனைநடத்திட அதிமுக சார்பில் குழு அமைக்கப்பட்டுள்ளது.

எம்.ஜி.ஆர். மன்றச் செயலாளர் மதுசூதனன், அமைப்புச் செயலாளர் தளவாய் சந்தரம்,புதுச்சேரி மாநில அதிமுக செயலாளர் அன்பழகன், துணைச் செயலாளர் லக்கிபெருமாள் மற்றும் நடராஜன், புருஷோத்தமன் ஆகியோர் இந்தக் குழுவில் இடம்பெற்றிருப்பதாக தெரிவித்துள்ளார் ஜெயலலிதா.

இதே போல மதிமுகவும் இரண்டு பேர் கொண்ட குழுவை அமைத்துள்ளது.