மோடி ஆதரவாளருக்கு அமெரிக்கா விசா மறுப்பு

அகமதாபாத்:

குஜராத் முதல்வர் நரேந்திர மோடியின் வலதுகரமாக விளங்கும் பாஜக செய்தித்தொடர்பாளருக்கு விசா வழங்க அமெரிக்க அரசு மறுத்துவிட்டது.

2002ம் ஆண்டு குஜராத்தில் நடந்த கலவரங்களில் பலர் பலியாயினர். நரேந்திரமோடிஅந்தக் கலவரத்தைத் தூண்டிவிட்டதாக புகார் எழுந்தது. இந் நிலையில், கடந்தஆண்டு நரேந்திர மோடி அமெரிக்கா செல்ல விரும்பியபோது அவருக்கு அமெரிக்கஅரசு விசா தர மறுத்துவிட்டது.

இந் நிலையில் மோடியின் உதவியாளரும் அவரது வலதுகரமுமான ருபாலாவுக்குஅமெரிக்க அரசு விசா தர மறுத்துள்ளது. இவர் மாநில பாஜக செய்தித்தொடர்பாளராகவும் உள்ளார்.

நியூஜெர்சி நகரில் செப்டம்பர் 1ம்தேதி உலக குஜராத்திகள் மாநாடு நடைபெறுகிறது. 3நாட்கள் நடைபெறும் இந்த மாநாட்டில் கலந்து கொள்ளவே ருபாலா விசா கோரிவிணணப்பித்திருந்தார்.

ஆனால் அமெரிக்கத் தூதரகம் இந்த விண்ணப்பத்தை நிராகரித்துள்ளது. விசாநிராகரிக்கப்பட்டதற்கு தூதரகம் எந்த காரணத்தையும் தெரிவிக்கவில்லை.