பி.டி.ஆர். குடும்பத்துடன் கருணாநிதி சந்திப்பு

மதுரை:

மதுரை சென்ற முதல்வர் கருணாநிதி மறைந்த அமைச்சர் பி.டி.ஆர். பழனிவேல்ராஜன் குடும்பத்தினரை சந்தித்துபேசினார்.

மதுரைக்கு தேர்தல் பிரசாரத்திற்கு சென்றிருந்த முதல்வர் கருணாநிதி, சொக்கிகுளத்தில் உள்ள பி.டி.ஆரி.ன்வீட்டிற்கு தனது மனைவி தயாளு அம்மாள், மகன் முக.அழகிரி உள்ளிட்டோருடன் சென்றார்.

அங்கு பி.டி.ஆரின் மனைவி ருக்மணி அம்மாளை சந்தித்து ஆறுதல் தெரிவித்தார். அவருடன் உரையாடியபோது,சட்டசபைத் தலைவராக இருந்த போது மதுரை நகரில் பி.டி.ஆர். செய்த பணிகளை நினைவு கூர்ந்தார். பி.டி.ஆர்.செய்ய நினைத்திருந்த பணிகள் அனைத்தும் படிப்படியாக நிறைவேற்றப்படும் எனவும் அவர் தெரிவித்தார்.

சந்திப்பின்போது பி.டி.ஆரின் சகோதரர் கமல தியாகராஜன், அமைச்சர் தங்கம் தென்னரசு, மதுரை மாநகர்மாவட்ட திமுக செயலாளர் வேலுச்சாமி உள்ளிட்டோரும் இருந்தனர்.