தினேஷ் கார்த்திக்குக்கு கருணாநிதி பாராட்டு

சென்னை:கட்டாக் ஒரு நாள் போட்டியில் சிறப்பாக ஆடிய தமிழக வீரர் தினேஷ் கார்த்திக்குக்கு முதல்வர் கருணாநிதிபாராட்டு தெரிவித்துள்ளார்.

முதல்வர் கருணாநிதி ஒரு கிரிக்கெட் பிரியர் என்பது தெரிந்த செய்தி. இந்திய அணி விளையாடும் போட்டிகளைபார்க்கத் தவற மாட்டார். கட்டாக்கில் நடந்த ஒரு நாள் போட்டியில் இந்திய அணியில் இடம் பெற்றிருந்த தமிழகவீரர் தினேஷ் கார்த்திக் சிறப்பாக ஆடி அணிக்கு வெற்றி தேடித் தந்தார்.

இதற்காக கார்த்திக்கை கருணாநிதி பாராட்டியுள்ளார். இதுகுறித்து கார்த்திக்குக்கு அவர் அனுப்பியுள்ள வாழ்த்துச்செய்தியில், கட்டாக்கில் மேற்கு இந்தியத் தீவுகள் அணிக்கு எதிராக புதன்கிழமை நடைபெற்ற ஒரு நாள் கிரிக்கெட்போட்டியில், நெருக்கடியான நேரத்தில் போராடி ரன்களைக் குவித்தீர்கள்.

இதன் மூலம் இந்திய அணிக்கு நினைவில் நீங்கா வெற்றியைத் தேடித் தந்துள்ளீர்கள். இந்த செயலுக்காக நான்உங்களைப் பாராட்டுகிறேன். இதுபோல சிறப்பான ஆட்டத்தை அதிக அளவில் வெளிப்படுத்தி நாட்டுக்குப்பெருமை தேடித் தர வாழ்த்துகிறேன், நல்வாழ்த்துக்கள் என்று கூறியுள்ளார் கருணாநிதி.