திமுக-தேமுதிக மாதிரி அடிச்சுகாதீங்க-விஜயகாந்த்

சென்னை:தேமுதிக தலைவர் விஜயகாந்த் பேட்டியின்போது பத்திரிக்கை நிருபர் ஒருவருக்கும், வீடியோகிராபர்ஒருவருக்கும் காரசாரமான சண்டை நடந்தது. இதுகுறித்து விஜயகாந்த் அடித்த காமென்ட்டால் அத்தனை பேரும்வாய் விட்டுச் சிரித்தனர்.

வருமான வரி சோதனை குறித்து செய்தியாளர்களுக்கு ஆவேசமாக பேட்டி அளித்தார் விஜயகாந்த். அப்போதுதனியார் தொலைக்காட்சி ஒன்றின் வீடியோகிராபர் அங்கும் இங்குமாக அலைந்து கொண்டிருந்தார்.

இதனால் விஜயகாந்த்தின் பேச்சை சரியாக கேட்க முடியாமல் ஒரு பத்திரிக்கை நிருபர் கடுப்பானார்.வீடியோகிராபரிடம் ஏன் இப்படி அங்கும் இங்கும் போய் தொல்லை செய்கிறீர்கள் என்று கோபமாக கேட்டார்.பதிலுக்கு வீடியோகிராபரும் காரசாரமாக ஏதோ கூறினார்.

இதையடுத்து அவர்களுக்குள் காரசாரமான வாக்குவாதம் நடந்தது. இதனால் விஜயகாந்த் தனது பேட்டியை சிலவிநாடிகளுக்கு நிறுத்தினார். சண்டை போட்டுக் கொண்டிருந்தவர்களைப் பார்த்து என்ன இது திமுக, அதிமுகபோல சண்டை போட்டுக்கறீங்க என்று அவர் கேட்கவே கூட்டத்தில் சிரிப்பலை எழுந்தது.

ஆனால் அடுத்த விநாடியே அதை மாற்றி, இல்லை, இல்லை திமுக, தேமுதிக போல சண்டை போட்டுக்கறீங்களேஎன்று விஜயகாந்த் கூறவே அங்கு வெடிச் சிரிப்பு கிளம்பி அடங்கியது.

சண்டை போட்டுக் கொண்டிருந்த நிருபரும், வீடியோகிராபரும் கூட தங்களது சண்டையை விட்டு விட்டு சிரிக்கவேண்டியதாயிற்று.