பிரேசில் சிறையில் தீ: 25 கைதிகள் சாவு

மினாஸ் ஜெராய்ஸ்:பிரேசில் நாட்டின் சிறையில் ஏற்பட்ட தீ விபத்தில் 25 கைதிகள் உடல் கருகி உயிரிழந்தனர்.

பிரேசில் நாட்டின் தென்மேற்கு பகுதியில் உள்ளது மினாஸ் ஜெராய்ஸ் மாகாணம். இங்கு பண்டிநோவா என்ற இடத்தில் உள்ள சிறையில் 87 கைதிகளை மட்டுமே அடைக்க முடியுமாம்.

ஆனால் இங்கு 187 கைதிகளை அடைத்து வைத்திருந்தனர். இந்த கைதிகள் கொலை, கொள்ளை மற்றும் போதை மருந்து கடத்தல் போன்ற வழக்குகளில் தொடர்புடையவர்கள்.

சிறையில் கைதிகளுக்கிடையே மோதல் ஏற்பட்டது. ஒருவரையொருவர் தாக்கிக் கொண்ட கைதிகள் சிறைச்சாலைக்கும் தீ வைத்ததனர். இதில் 25 கைதிகள் உடல் கருகி சிறைக்குள்ளேயே இறந்து விட்டனர். பல கைதிகளுக்கு தீக்காயம் ஏற்பட்டது.

பிரேசில் நாட்டில் சிறை கைதிகள் அடிக்கடி மோதிக் கொள்வது சகஜம்.