ஐக்கிய அரபு எமிரேட்சின் முதல் பெண் நீதிபதி

துபாய்: ஐக்கிய அரபு எமிரேட்சில் முதன் முறையாக பெண் ஒருவர் நீதிபதியாக நியமிக்கப்பட்டுள்ளார்.

ஐக்கிய அரபு எமிரேட்ஸ் நாட்டின் முதல் பெண் நீதிபதியாக அகமது ஜவான்அல் டகேரி நியமிக்கப்பட்டுள்ளார்.

அவர் அபுதாபி நீதிமன்றத்தின் அடிப்படை நீதிபதியாக அவர் பணியாற்றுவார். ஜனாதிபதி ஷேக் கலீபாபின் சயேத் அல் நக்யான் நியமித்தார்.

அரபு நாடுகளில் பஹ்ரைனில்தான் முதன் முதலில் பெண் ஒருவர் நீதிபதியாக நியமிக்கப்பட்டார். அந்நாட்டைத் தொடந்து ஐக்கிய அரபு எமிரேட்சில் பெண் நீதிபதியாகியுள்ளார்.

ஐக்கிய அரபு எமிரேட்சில் அமைச்சர் உள்ளிட்ட பல உயர் பதவிகளில் பெண்கள் இருந்து வருகின்றனர். அதைத் தொடர்ந்து நீதிபதியாகவும் நியமிக்கப்பட்டுள்ளனர்.