ஏர்டெல்-ஆப்பிள் ஐபோன்-இந்திய மொழிகள் இல்லை!

டெல்லி: நாட்டின் முன்னணி தொலைத்தொடர்பு நிறுவனமான பார்தி ஏர்டெல் மற்றும் ஆப்பிள் நிறுவனங்கள் இணைந்து 3ம் தலைமுறை ஐபோனை அறிமுகப்படுத்தியுள்ளன. முதல் தலைமுறை ஐபோனை விட இது இரண்டு மடங்கு வேகம் கொண்டதாகும். இந்த ஆண்டின் இறுதியில் இந்த ஐபோன் விற்பனைக்கு வரவுள்ளது.

ஆனால், இந்த புதிய வகை ஐபோனில் ஆங்கிலம் மட்டுமே பயன்பாட்டு மொழியாக உள்ளது. இந்தியாவில் அறிமுகப்படுத்தப்படவுள்ள இதில், இந்திய மொழிகள் எதுவும் இல்லை.

இதுகுறித்து பார்தி ஏர்டெல் நிறுவனத்தின் தலைவரும், தலைமை செயலதிகாரியுமான மனோஜ் கோலி கூறுகையில், இந்த 3ஜி ஐபோன் மிகவும் அதி நவீனமானது. இந்த ஐபோனில் அனைத்து வகை தொழில்நுட்பங்களும் உள்ளடங்கியுள்ளது.

ஜிபிஎஸ் வசதியும் இந்த ஐபோனில் உள்ளது. மேலும் மைக்ரோசாப்ட் எக்சேஞ்ச் ஆக்டிவ்சின்க் வசதியுடன் கூடிய ஐபோன் 2.0 சாப்ட்வேரும் இந்த ஐபோனில் இடம் பெற்றுள்ளது என்றார்.

விரைவில் இந்த ஐபோன் ஏர்டெல் நிறுவனங்களில் விற்பனைக்கு வரவுள்ளது. இதன் விலை, விற்பனை தொடக்கம் உள்ளிட்டவை குறித்த விவரங்கள் விரைவில் வெளியிடப்படும் என பார்தி ஏர்டெல் தெரிவித்துள்ளது.

இருப்பினும் இந்த புதிய வகை ஐபோனில் ஆங்கிலம் மட்டுமே பயன்பாட்டு மொழியாக உள்ளது. இந்தியாவில் அறிமுகப்படுத்தப்படவுள்ள இதில், இந்திய மொழிகள் எதுவும் இல்லை என்பது துரதிர்ஷ்டவசமானது.