அமெரிக்க இணை அமைச்சராக இந்தியர் நியமனம்

வாஷிங்டன்: இந்திய வம்சாவளியைச் சேர்ந்தவரான நீல் கஷ்காரி அமெரிக்க நிதித்துறையின் இரண்டாவது துணைச் செயலாளராக (இணை அமைச்சர்) நியமிக்கப்பட்டுள்ளார்.

அமெரிக்க நிதித்துறையின் சர்வதேச விவகாரங்கள் பிரிவை இவர் கவனிப்பார். அதிபர் புஷ் இந்த நியமனத்தை செய்துள்ளார். இதை அமெரிக்க செனட்டும் சமீபத்தில் அங்கீகரித்தது.

இந்த நியமனத்தை இந்திய-அமெரிக்க ரிபப்ளிகன் கவுன்சில் வரவேற்றுள்ளது. அமெரிக்காவின் தனியார் நிறுவனங்களிலும், அரசுத் துறையிலும் பல்வேறு முக்கிய பொறுப்புகளை வகித்தவர் கஷ்காரி.