இந்தியாவின் ஏற்றுமதி மே மாதத்தி்ல் 29.2% வீழ்ச்சி!

டெல்லி: இந்தியாவின் ஏற்றுமதி கடந்த மே மாதத்தி்ல் 29.2 சதவீத அளவுக்குக் குறைந்து விட்டது.

கடந்த எட்டு மாதங்களாக தொடர்ந்து இந்தியாவின் ஏற்றுமதி உயர்வு நிலையில் இருந்து வந்தது குறிப்பிடத்தக்கது.

அமெரிக்கா, ஐரோப்பிய நாடுகள் உள்ளிட்ட உலகச் சந்தைகளில் நிலவும் பொருளாதார மந்த நிலைதான் ஏற்றுமதி அளவு இவ்வளவு பெரிய அளவில் குறைய முக்கியக் காரணமாக கூறப்படுகிறது.

கடந்த ஆண்டு மே மாதம் ஏற்றுமதி அளவு 15.55 பில்லியன் அமெரிக்க டாலர்களாக இருந்தது. அது இந்த ஆண்டு மே மாதத்தில் 11.01 பில்லியன் டாலர்களாக குறைந்து விட்டது.

அதேபோல இறக்குமதியும் கூட கணிசமான வீழ்ச்சியை சந்தித்துள்ளது. கடந்த ஆண்டை விட இந்த ஆண்டு மே மாதம் 39 சதவீத அளவுக்கு இறக்குமதி குறைந்து விட்டது. இறக்குமதி அளவு 16.21 பில்லியன் டாலராக இருந்தது.

மே மாதத்தில் வர்த்தகப் பற்றாக்குறை 5.20 பில்லியன் டாலராக இருந்தது. இது கடந்த ஆண்டு மே மாதத்தில் 11.13 பில்லியனாக இருந்தது.