புதிதாக தொழில் தொடங்க மும்பை, சென்னையை விட பாட்னா பெட்டர் - உலக வங்கி

டெல்லி: புதிதாக தொழில் தொடங்க மும்பை, சென்னை ஆகிய பெருநகரங்களை விட பாட்னாவில் சிறந்த சூழ்நிலை நிலவுவதாக உலக வங்கி கூறியுள்ளது.

உலக வங்க மற்றும் சர்வதே நிதிக் கழகம் ஆகியவை இணைந்து இந்தியாவில் தொழில் தொடங்க உகந்த நகரங்கள் என்ற ரேங்கிங் பட்டியலை வெளியிட்டுள்ளன.

மொத்தம் 17 நகரங்கள் இதில் வரிசைப்படுத்தப்பட்டுள்ளன. அதில் தொழில் தொடங்க எளிதான நகரங்களாக லூதியானா, ஹைதராபாத், புவனேஸ்வர், கர்கான், அகமதாபாத், டெல்லி, ஜெய்ப்பூர், குவஹாத்தி ஆகிய நகரங்கள் உள்ளதாக தெரிவிக்கப்பட்டுள்ளது.

இந்தப் பட்டியலில் சென்னைக்கு 15வது இடம் கிடைத்துள்ளது. 14வது இடத்தில் பாட்னா உள்ளது. கொல்கத்தாவுக்கு கடைசி இடம் கிடைத்துள்ளது.

தொழில் தொடங்குவது, கட்டுமான அனுமதிகளைப் பெறுவது, சொத்துக்களைப் பதிவு செய்வது, வரிகளைக் கட்டுவது, வியாபாரம் செய்வது, ஒப்பந்தங்களை அமல்படுத்துவது, தொழில்களை மூடுவது ஆகிய 7 காரணிகளை அடிப்படையாகக் கொண்டு இந்த பட்டியலை உருவாக்கியுள்ளனர்.

அதேசமயம், அடிப்படமைக் கட்டமைப்பு வசதிகள், பணியாளர்கள், பாதுகாப்பு உள்ளிட்டவை இதில் கணக்கெடுக்கப்படவில்லை.