காங் 125வது ஆண்டு விழா- சோனியா 64வது பிறந்த நாள்: வரிசை கட்டும் விழாக்கள்

டெல்லி: காங்கிரஸ் கட்சியின் 125 ஆண்டு விழா இந்த மாதம் வருகிறது. அதேபோல அக்கட்சியின் தலைவர் சோனியா காந்தியின் 64வது பிறந்த நாளும் வருவதால் காங்கிரஸார் இரண்டையும் கொண்டாடத் தயாராகி வருகின்றனர்.

காங்கிரஸ் துவக்கப்பட்டு 125வது ஆண்டு நிறைவு விழாவை இந்தாண்டு இறுதியில் சிறப்பாக கொண்டாட கட்சியினர் திட்டமிட்டுள்ளனர்.

காங்கிரஸ் கடந்து வந்த பாதையையும், இந்தியாவை ஆட்சி செய்த பாங்கையும் இன்றைய தலைமுறையினருக்கு முழுமையாக எடுத்துச் சொல்லும் வகையில் ஆண்டு முழுவதும் கருந்தரங்குகள், போட்டிகள், கூட்டங்கள் நடத்துவது என பல்வேறு திட்டங்களை வைத்துள்ளனர்.

அதற்கு முன்னதாக வரும் 9ம் தேதி காங்கிரஸ் தலைவர் சோனியாவின் 64வது பிறந்தநாள் வருகிறது. இதற்கான ஏற்பாடுகளிலும் காங்கிரசார் மும்முரமாக ஈடுபட்டுள்ளனர்.

காங்கிரஸ் ஆட்சியில் இருக்கும் போது, அதிக நாட்கள் கட்சித் தலைமைப் பொறுப்பில் இருந்தவர், பிரதமர் பொறுப்பை விட்டுக் கொடுத்தவர், மோதிலால், ஜவஹர்லால், இந்திரா, நேரு வரிசையில் காங்கிரஸ் தலைவர் பொறுப்பை சுமக்கும் ஐந்தாவது வாரிசு என சோனியா காந்தி தாங்கி வரும் பல்வேறு பாத்திரங்களை முன்வைத்து விழாவாக கொண்டாட காங்கிரசார் தயாராகி வருகின்றனர்.

இத்தாலியில் பிறந்து இந்தியாவின் அறிவிக்கப்படாத முதல் பெண்மணி அந்தஸ்த்தில் இருக்கும் சோனியாவை அன்னிபெசன்ட், நீலிசென் குப்தாவுக்கு இணையாக வர்ணி்த்து புகழ் பாடி புளகாங்கிதம் அடையவும் காங்கிரஸார் வரிந்து கட்டிக் கொண்டு தயாராகி வருகின்றனராம்.