திமுகவை விமர்சிக்க மாட்டோம்: ராமதாஸ் பேட்டி

தருமபுரி: ஆளுங்கட்சியான திமுகவை தொடர்ந்து விமர்சனம் செய்ய பாமகவுக்கு விருப்பம் இல்லை என்று பாமக நிறுவனர் டாக்டர் எஸ்.ராமதாஸ் கூறினார்.

பாமக சிறப்புப் பொதுக்குழுக் கூட்டம் தருமபுரியில் நடைபெற்றது. கூட்டத்தில் பாமக நிறுவனர் ராமதாஸ் கலந்துகொண்டு பேசுகையில்,

ஜனநாயகக் கடமைகளை நிறைவேற்றவே ஆளுங்கட்சியை பாமக விமர்சனம் செய்து வருகிறது. இதற்காக பாமகவை கடந்த மக்களவைத் தேர்தலில் திமுக வஞ்சம் தீர்த்து கொண்டது.

பென்னாகரம் இடைத் தேர்தல் தேதி இவ்வாரத்தில் வெளியிடப்படும் என எதிர்பார்க்கப்படுகிறது. இந்தத் தேர்தலில் 'மைக்ரோ திட்டம்' என்ற புதிய தேர்தல் பார்முலாவை பயன்படுத்த பாமக திட்டமிட்டுள்ளது.

பென்னாகரம் தொகுதியில் 45,000 வாக்குகள் வித்தியாசத்தில் பாமக வெற்றி பெறும். நாள்தோறும் ஆயிரக்கணக்கானோர் பாமகவில் இணைந்து வருகின்றனர்.

தேமுதிகவில் இருந்து பலரும் பாமகவில் இணைந்து வருகின்றனர். அதிமுகவின் தேர்தல் களம் குறித்து கவலைப்படத் தேவையில்லை என்றார் ராமதாஸ்.