நாஸ்டாக் பங்குச் சந்தையை துவக்கி வைக்கும் ஷாரூக் - காஜோல்

வாஷிங்டன்: உலகின் மிகப் பெரிய பங்குச் சந்தையான அமெரிக்காவின் நாஸ்டாக் வார்த்தகத்தை துவக்கி வைக்கிறார்கல் பாலிவுட் நடிகர் ஷாரூக்கானும் காஜோலும்.

பொதுவாக நாஸ்டாக்கின் ஒவ்வொரு மாத பங்கு வர்த்தகத்தையும் துவக்கி வைக்கும் வாய்ப்பு பெரிய நிறுவனங்களின் சிஇஓக்களுக்கு வழங்கப்படும்.

ஆனால், இந்த முறை, பிப்ரவரி மாத வர்த்தகத்தைத் துவக்கி வைக்கும் வாய்ப்பு ஷாரூக்கான் - காஜோல் ஜோடிக்கு தரப்படுகிறது. இது ஒரு பெரிய கவுரவமாகவும் பார்க்கப்படுகிறது. அமெரிக்க பொருளாதாரத்தில் முக்கியப் பங்காற்றும் இந்தியர்களுக்கு அளிக்கப்பட்ட கவுரமாகவும் இது பார்க்கப்படுகிறது.

இன்று பிப்ரவரி 1ம் தேதி, முதல்நாள் வர்த்தகத்தை மணியடித்துத் துவக்கி வைக்கிறார்கள் ஷாரூக்கானும் காஜோலும்.