பென்னாகரம்: அதிமுகவுக்கு சிபிஎம் ஆதரவு- ஆனால் தனி மேடையில் பிரசாரம்

சென்னை: பென்னாகரம் தொகுதி இடைத் தேர்தலில் அதிமுகவுக்கு ஆதரவு தருவதாக மார்க்சிஸ்ட் கம்யூனிஸ்ட் கட்சி கூறியுள்ளது. இருப்பினும் அதிமுகவுடன் மேடை ஏறாமல் தனி மேடையில் பிரசாரம் செய்வோம் எனவும் அக்கட்சி கூறியுள்ளது.

ஏற்கனவே ஒரு முறை இதே பாணியில் சிபிஎம், அதிமுகவுக்கு ஆதரவு கொடுத்தது நினைவிருக்கலாம்.

மார்க்சிஸ்ட் கம்யூனிஸ்ட் கட்சியின் மாநிலக் குழுக் கூட்டம் கட்சியின் மாநிலச் செயலாளர் ஜி.ராமகிருஷ்ணன் தலைமையில் நடந்தது.

கூட்டத்திற்குப் பின்னர் செய்தியாளர்களிடம் பேசிய ராமகிருஷ்ணன், பென்னாகரம் இடைத் தேர்தலில் அதிமுகவை ஆதரிக்க முடிவு செய்துள்ளோம்.

இருப்பினும் தனி மேடையில் இருந்தபடி நாங்கள் பிரசாரம் மேற்கொள்வோம் என்றார்.