இந்திய கரன்சிக்கு தனி அடையாளம்!

டெல்லி: இந்திய ரூபாய் நோட்டுக்கு தனித்தன்மை வாய்ந்த அடையாளம் உருவாக்கப்படும் என்று பட்ஜெட் உரையில் மத்திய நிதியமைச்சர் பிரனாப் முகர்ஜி அறிவித்துள்ளார்.

இந்திய கரன்சி நோட்டுகள், அதையொத்த மற்ற நோட்டுகளைப் போலவே காணப்படுவதால், கள்ள நோட்டுப் புழக்கத்தை தடுக்கவும், தனித்தன்மையை உருவாக்கவும் புதிய அடையாளம் உருவாக்கப்படும் என பிரனாப் அறிவித்தார்.

இந்திய பாரம்பரியம் மற்றும் கலாச்சார தன்மைகளை பிரதிபலிக்கும் வகையில் அந்த புதிய அடையாளம் அமையும் என்றும் இதன் மூலம், அமெரிக்க டாலர், பிரிட்டிஷ் பவுண்ட் ஸ்டெர்லிங் யூரோ மற்றும் ஜப்பானிய யென் ஆகியற்றின் வரிசையில் இந்திய கரன்சி சேரும்' என்று பிரனாப் குறிப்பிட்டார்.