மேகலாயா: முதல்வரானார் துணை முதல்வர்-லபாங் துணை முதல்வரானார்

ஷில்லாங்: மேகலாயாவில் இதுவரை முதல்வராக இருந்து வந்த லபாங், இன்று துணை முதல்வராகப் பதவியேற்றார். துணை முதல்வராக இருந்து வந்த முகுல் சங்மா முதல்வராகப் பொறுப்பேற்றுக் கொண்டார்.

லபாங் தலைமையிலான காங்கிரஸ் கூட்டணி ஆட்சியில் சமீப காலமாக பெரும் குழப்பம் ஏற்பட்டது. மொத்தம் உள்ள 28 காங்கிரஸ் எம்.எல்.ஏக்களில் வெறும் நான்கு பேரை மட்டுமே லபாங் அமைச்சராக்கினார். இதனால் பதவி கிடைக்காதவர்கள் துணை முதல்வர் முகுல் சங்மா தலைமையில் அணி திரண்டனர்.

இதையடுத்து ஆட்சியைக் காப்பற்ற முகுல் சங்மாவை முதல்வராக்க காங்கிரஸ் மேலிடம் முடிவு செய்த்து. இதையடுத்து லபாங் பதவி விலகினார். இதைத் தொடர்ந்து இன்று நடந்த விழாவில் முகுல் சங்மா முதல்வராகப் பதவியேற்றார். லபாங் துணை முதல்வராகப் பொறுப்பேற்றுக் கொண்டார்.