சென்னையிலும் மினி பஸ்கள்: தமிழக அரசு முடிவு

சென்னை: சென்னையிலும் மினி பஸ்களை இயக்க அரசு முடிவு செய்துள்ளது.

தமிழ்நாட்டின் பல்வேறு பகுதிகளில் மினி பஸ்கள் இயக்கப்படுகின்றன.

பெரும்பாலும் அரசு பஸ்கள் செல்லாத கிராமப் பகுதிகளுக்கும், அரசுப் பேருந்துகள் குறைவாக இயக்கப்படும் நகர்ப் பகுதிகளிலும் இந்த பஸ்கள் இயக்கப்படுகின்றன.

தமிழகத்தில் பெரும் வெற்றி பெற்ற இந்தத் திட்டத்தை மேலும் விரிவுபடுத்த அரசு முடிவு செய்துள்ளது.

இப்போது மாநிலம் முழுவதும் சுமார் 4,000 மினி பஸ்கள் இயங்கி வரும் நிலையில் புதிதாக 3,000 புதிய மினி பஸ்களுக்கு பெர்மிட் அளிக்கப்படும் என்று தெரிகிறது.

மேலும் சென்னை புறநகர் பகுதிகளிலும் இந்த மினி பஸ்களை இயக்க திட்டமிடப்பட்டுள்ளது.

முதல் கட்டமாக சென்னையில் 110 மினி பஸ்களுக்கு அனுமதி வழங்கப்படும் என்று தெரிகிறது.

மினி பஸ்கள் அதிகரித்தால் ஏற்கனவே இயக்கப்படும் அரசு பஸ்களின் வருமானம் குறைய வாய்ப்புள்ளது என்றாலும் பொதுமக்கள் நலன் கருதி மினி பஸ்கள் எண்ணிக்கையை அதிகரிக்க திட்டமிட்டிருப்பதாக அதிகாரிகள் கூறுகின்றனர்.