டெல்லி: 'தக தக' தங்கம் விலை 'திகு திகு' உயர்வு!

டெல்லி: தங்கம் விலை பெரும் உயர்வைக் கண்டது. இன்று தலைநகரில் 10 கிராம் தங்கம் ரூ. 19,050க்கு விற்றதால் நகை வாங்க வந்தோர் அதிர்ச்சி அடைந்தனர்.

டெல்லியில் இதுவரை இந்த அளவுக்கு தங்கம் விலை உயர்ந்ததில்லை என்பது குறிப்பிடத்தக்கது. கல்யாண சீசன் உள்ளிட்ட பல்வேறு காரணிகளால் தங்கம் விலை பெரும் உயர்வைக் கண்டுள்ளதாக வியாபாரிகள் தெரிவித்துள்ளனர்.

தங்கம் விலை நாளுக்கு நாள் உயர்ந்தபடி இருந்தாலும் தங்கத்திற்கு இந்தியாவில் வரும் மாதங்களில் கிராக்கி அதிகரிக்கும் என உலக தங்க கவுன்சில் கூறியுள்ளது. இநதியாவைப் போல சீனாவிலும் தங்க கிராக்கி அதிகரிக்கும் என அது தெரிவித்துள்ளது.

இந்த ஆண்டின் முதல் கால் பகுதியில், இந்தியாவில் தங்கத்திற்கான கிராக்கி 698 சதவீதம் உயர்ந்து, 193.5 டன்னாக இருந்ததாகவும் உலக தங்க கவுன்சில் தெரிவித்துள்ளது.