31 வயது பெண்கள் தான் மிகவும் அழகானவர்கள்: சர்வே

லண்டன்: இது வரை நாம் 13 முதல் 19 வயது வரை உள்ள டீன் ஏஜ் பெண்கள் தான் அழகு என்று நினைத்துக் கொண்டிருக்கிறோம். ஆனால், நம் நினைப்பை பொய்யாக்கி உள்ளது ஒரு ஆராய்ச்சி. 31 வயதுடைய பெண்கள் தான் அழகின் உச்சியில் இருப்பார்கள் என்று அந்த ஆராய்ச்சி முடிவுகள் கூறுகின்றது.

25 வயதுக்கு மேல் 35 வயதிற்குள் இருக்கும் பெண்கள் தான் 13 முதல் 19 வயது வரை உள்ள பெண்களை விட அழகானவர்கள் என்கிறார்கள் அந்த ஆய்வாளர்கள்

இங்கிலாந்தில் நடந்த இந்த ஆராய்ச்சிக்கான கணக்கெடுப்பில் சுமார் 2,000 ஆண்களும், பெண்களும் பங்கேற்றனர்.

சராசரி இங்கிலாந்து பெண்மணிக்கு முப்பதுகளில் திருமணம் முடிந்து பிள்ளைகளும் இருக்கும். எந்த வயதில் பெண்கள் அழகாக இருப்பார்கள் என்ற கேள்விக்கு பெரும்பாளானோர் சொன்ன பதில் 31 வயது.

அழகு என்பது நம்பிக்கை என்று 70 சதவிகிதத்தாரும், மேனி அழகு என்று 67 சதவிகிதத்தாரும், ஸ்டைலாக இருப்பது என்று 47 சதவிகிதத்தாரும் தெரிவித்தனர்.

ஸ்லம்டாக் நாயகி ப்ரீடா பின்டோவை விட ஜீன்ஸ் நாயகி ஐஸ்வர்யா அழகாக இருப்பதற்கும் இதுதான் காரணமோ..!