• search
For Quick Alerts
ALLOW NOTIFICATIONS  
For Daily Alerts

எனது கணவரின் லீலைகள் தெரிந்த நாள் முதல் வாழ்க்கை நரகமாகி விட்டது-எலின் டைகர் உட்ஸ்

|

Elin
நியூயார்க்: எனது கணவரின் அந்தரங்க லீலைகள் அம்பலமான நாள் முதல் எனது வாழ்க்கை நரகமாகி விட்டது. இப்போது நானும், எனது குழந்தைகளும் புதிய வாழ்க்கையை தொடங்கவுள்ளோம் என்று கூறியுள்ளார் செக்ஸ் சர்ச்சையில் சிக்கிய அமெரிக்க கோல்ப் சாம்பியன் டைகர் உட்ஸின் மனைவி எலின் நார்டெக்ரன்.

பல்வேறு பெண்களுடன் தொடர்பு கொணட் டைகர் உட்ஸின் செக்ஸ் ஊழல் உலகையே உலுக்கிப் போட்டது. இந்த சம்பவம் நடந்து 9 மாதங்களான நிலையில் தற்போது உட்ஸை விவாகரத்து செய்துள்ளார் அவரது மனைவி எலின். மேலும் இதுவரை உட்ஸ் விவகாரம் குறித்து கருத்து தெரிவிக்காமல் இருந்து வந்த அவர் தற்போது முதல் முறையாக வாய் திறந்து பேசியுள்ளார்.

இதுகுறித்து எலின் கூறுகையில், எனது கணவரின் செக்ஸ் விவகாரங்கள் குறித்து தெரிய வந்தது முதல் நான் நரகத்தில் வாழ்ந்து வருகிறேன். வாழ்க்கையே நரகமாகி விட்டது.

என்னால் எதையும் நம்ப முடியவில்லை. கோபம், அவ நம்பிக்கை, சோகம், துக்கம் என அனைத்து உணர்வுகளையும் அனுபவித்து வருகிறேன். எனது குடும்ப வாழ்க்கையை இழந்துள்ளேன். இருப்பினும் எனது குழந்தைகளுக்காக வாழ விரும்புகிறேன்.

முன்பை விட இப்போது மிகுந்த மன உறுதியுடன் உள்ளேன். எனக்கு என் மீது மிகுந்த நம்பிக்கை வந்துள்ளது. எனது முடிவுகள் மீது எனக்கு மிகுந்த நம்பிக்கை உள்ளது.

எனக்கும், எனது குழந்தைகளுக்கும் புதிய சூழல் வந்துள்ளது, புதிய வாழ்க்கையை நாங்கள் சந்தித்துள்ளோம். அதற்கேற்ப எங்களைப் பழகிக் கொள்ள முயல்வோம் என்றார் எலின்.

30 வயதான எலினுக்கு உட்ஸ் மூலம் 2 குழந்தைகள் உள்ளனர் என்பது குறிப்பிடத்தக்கது.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X