12வது நாளாக தொடர்ந்து அமளி-முடங்கியது நாடாளுமன்றம்

டெல்லி: எதிர்க்கட்சிகளின் தொடர் அமளி காரணமாக நாடாளுமன்றத்தின்இரு அவைகளும் 12வது நாளாக இன்றும் முடங்கின. ஸ்பெக்ட்ரம் ஊழல் தொடர்பாக ஜேபிசி விசாரணை கோரி எதிர்க்கட்சிகள் நடத்தி வரும் போராட்டத்தால் நாடாளுமன்றம் கடந்த 12 நாட்களாக ஒரு வேலையையும் செய்ய முடியாத நிலை ஏற்பட்டுள்ளது.

இன்று காலை லோக்சபா கூடியபோது அவையில் மிகச் சிறிய அளவிலான உறுப்பினர்களே இருந்தனர். அப்போது ஆசிய விளையாட்டுப் போட்டியில் இந்திய வீரர், வீராங்கனைகள் பதக்கங்களைக் குவித்ததற்கு சபாநாயகர் மீரா குமார் வாழ்த்து தெரிவித்துப் பேசினார். இதையடுத்து உறுப்பினர்கள் மேசைகளைத் தட்டி வரவேற்றனர்.

இதையடுத்து கேள்வி நேரத்தை சபாநாயகர் கையில் எடுத்ததும், எதிர்க்கட்சி உறுப்பினர்கள் மொத்தமாக எழுந்து வழக்கம் போல அமளியைத் தொடங்கினர். இதையடுத்து அவை ஒத்திவைக்கப்பட்டது.

இதே நிலைதான் ராஜ்யபாவிலும் காணப்பட்டது.