அதிமுக-தேமுதிக கூட்டணி உடன்பாடு?: இறுதிக் கட்டத்தில் தொகுதி பங்கீடு பேச்சுவார்த்தை?
விரைவில் கூட்டணி குறித்து அதிமுக பொதுச் செயலாளர் ஜெயலலிதாவும், தேமுதிக தலைவர் விஜய்காந்தும் அறிவிப்பு வெளியிடலாம் என்று கூறப்படுகிறது.
கடந்த பல மாதங்களாகவே இந்த இரு கட்சிகளுக்கும் இடையே ரகசியமாக பேச்சுவார்த்தை நடந்து வருகிறது. தேமுதிக தரப்பில் 80 இடங்கள், ஆட்சியில் பங்கு, துணை முதல்வர் பதவி மற்றும் தேர்தலை சந்திக்க நிதியுதவி ஆகியவை கோரப்பட்டதாகக் கூறப்பட்டது.
ஆனால், 30 இடங்கள், ஆட்சியில் பங்கு இல்லை, துணை முதல்வர் பதவியும் இல்லை என்று அதிமுக தெரிவித்துவிட்டதால் பேச்சுவார்த்தைகளில் தொய்வு ஏற்பட்டது.
இந் நிலையில் தேமுதிகவுக்கு 40 முதல் 50 இடங்கள் வரை தர அதிமுக தயாராகிவிட்டதாகத் தெரிகிறது.
இதை தேமுதிக தரப்பும் ஏற்கத் தயாராகிவிட்டதால் விரைவில் கூட்டணி அறிவிப்பு வெளியாகலாம் என்று கூறப்படுகிறது.
இந்தப் பேச்சுவார்த்தைகளில் தேமுதிக தலைவர் விஜயகாந்த்தின் மனைவி பிரேமலதா முக்கிய பங்கு வகித்தார் என்பது குறிப்பிடத்தக்கது.
Click it and Unblock the Notifications
Sign in with Google