அரசியல் ஜாம்பவான்கள் ஸ்டாலின், சைதை துரைசாமி மோதும் கொளத்தூர்
சென்னை: கொளத்தூர் தொகுதியில் இரு அரசியல் ஜாம்பவான்கள் மோதுகின்றனர். இங்கு திமுக சார்பில் துணை முதல்வர் மு.க.ஸ்டாலினும், அதிமுக சார்பில் எம்.ஜி.ஆருக்கு நெருக்கமாக இருந்த சைதை துரைசாமியும் போட்டியிடுகின்றனர்.
கொளத்தூர் தொகுதி புதிதாக உருவாக்கப்பட்டது. இங்கிருந்து சட்டசபைக்கு செல்லவிருக்கும் முதல் எம்.எல்.ஏ. யார் என்று மக்கள் மத்தியில் பெரும் எதிர்பார்ப்பு ஏற்பட்டுள்ளது.
கடந்த 2009-ம் ஆண்டு நடந்த மக்களவைத் தேர்தலில் திமுகவின் டி.கே.எஸ். இளங்கோவன் இதே தொகுதியில் 25 ஆயிரம் ஓட்டுகள் பெற்றார். தற்போது இந்த தொகுதியில் ஸ்டாலின் போட்டியிடுகிறார்.
கடந்த 1984-ம் ஆண்டில் இருந்தே ஸ்டாலின் முஸ்லீம் மக்கள் அதிகம் உள்ள ஆயிரம் விளக்கு தொகுதியில் தான் போட்டியிட்டு வந்தார். இந்த முறை தான் கொளத்தூரை தேர்வு செய்துள்ளார்.
சைதை துரைசாமி சைதாப்பேட்டையில் போட்டியிட்டு ஒரு முறை வெற்றி பெற்றார்.
இன்னும் தேர்தலுக்கு 9 நாடகளே உள்ள நிலையில் தலைவர்கள் வீடு, வீடாகச் சென்று வாக்கு சேகரித்து வருகின்றனர்.
Click it and Unblock the Notifications
Sign in with Google