பாகிஸ்தானையும், அதன் அணு ஆயுதங்களையும் கைப்பற்றுவோம்-தலிபான்

வாஷிங்டன்: பாகிஸ்தானையும், அதன் வசம் உள்ள அணு ஆயுதங்களையும் கைப்பற்றுவதே எங்களது நோக்கம் என்று தலிபான் தீவிரவாத அமைப்பு கூறியுள்ளது.

இதுகுறித்து தலிபான் அமைப்பின் செய்தித் தொடர்பாளர் ஈசானுல்லா ஈசான் கூறியதாக வால் ஸ்டிரீட் ஜர்னல் இதழ் வெளியிட்டுள்ள செய்தி:

பாகிஸ்தானைத் தாக்குவது எங்களது திட்டமல்ல. மாறாக அதை அப்படியே கைப்பற்றவே விரும்புகிறோம். அதன் வசம் உள்ள அணு ஆயுதங்களை அப்படியே எங்கள் வசம் கொண்டு வர திட்டமிட்டு வருகிறோம்.

பாகிஸ்தான் மட்டுமே அணு ஆயுதங்களை வைத்துள்ள ஒரே முஸ்லீம் நாடு. அந்த நாட்டை நாங்கள் அழிய விட மாட்டோம். மாறாக அந்த நாட்டையும், அதன் அணு ஆயுதங்களையும் சேதம் இல்லாமல் கைப்பற்றி எங்கள் வசம் கொண்டு வருவோம்.

பாகிஸ்தானை நாங்கள் அழிக்கப் போவதாக கூறி பாகிஸ்தானை மிரட்டிப் பணிய வைத்து எங்களுக்கு எதிராக செயல்பட வைக்க அமெரிக்கா முயலுகிறது. ஆனால் நாங்கள்தான் பாகிஸ்தானை உண்மையில் காப்பாற்றத் துடிப்பவர்கள்.

அணுகுண்டுகளை கையில் வைத்திருந்தும், அமெரிக்காவின் மிரட்டலுக்குப் பணிவது மிகப் பெரிய கேவலம். அதை பாகிஸ்தான் அரசு செய்து கொண்டிருக்கிறது என்றார் அவர்.

English summary

The Taliban has said they have no plans to attack Pakistan's nuclear arsenal, asserting that it is the only Muslim state possessing such weapons and the terror group aims to take over the country as well as its nukes. Taliban has stepped up a violent campaign to avenge Osama bin Laden's death that has renewed fears that the country's warheads could be vulnerable. Declaring that "Pakistan is the only Muslim nuclear power state," Taliban spokesman Ehsanullah Ehsan said that his group had no intention of changing the fact, Wall Street Journal (WSJ) reported. The Taliban, after all, aim to take over Pakistan and its weapons, he said.