பாகிஸ்தானில் இந்திய டிவி சேனல்களுக்குத் திடீர் தடை

இஸ்லாமாபாத்: இந்திய சேனல்களுக்கு பாகிஸ்தானில் தடை விதித்துள்ளனர். 10 சதவீத வெளிநாட்டு சேனல்களுக்கு மட்டுமே அனுமதி வழங்கியுள்ளது அந்த நாட்டு அரசு.

கடந்த 2010 ஆகஸ்ட் 15ம் தேதி முதல் பாகிஸ்தானில் காட்டப்பட்டு வரும் இந்திய சேனல்கள் மற்றும் சேனல்களில் இந்திய சினிமாக்களுக்கு தடைவிதிக்கமாறு, பாகிஸ்தான் உச்சநீதிமன்றம் உத்தரவிட்டது. இதன்படி, பாகிஸ்தான் மின்னணு ஊடக ஒழுங்கு ஆணையம், இந்திய சேனல்களை காட்டி வந்த கேபிள் ஆப்ரேட்டர்களுக்கு கிடுக்கிபிடி போட்டது.

இந்நிலையில், நேற்று பாகிஸ்தான் நாடாளுமன்றத்தில் தகவல் மற்றும் ஒலிபரப்புத் துறை அமைச்சர் பிர்தவுஸ் அசித் அவான் பேசுகையில், இந்திய டிவி சேனல்களுக்கோ, இந்தியர்கள் பணியாற்றும் சேனல்களுக்கோ பாகிஸ்தான் மின்னணு ஊடக ஒழுங்கு ஆணையம் ஒளிபரப்பு உரிமை வழங்கவில்லை. சில தனியார் டிவி சேனல்களில் ஒளிபரப்ப உரிமை வழங்கினால், அதற்கு விதிக்கப்படும் நிபந்தனைகளுக்கு உட்பட்டு செயல்பட வேண்டும். தற்போது 10 சதவீத வெளிநாட்டு நிகழ்ச்சிகளை, இந்நிறுவனங்கள் ஒளிப்பரப்பி வருகின்றன, என்றார்.

பாகிஸ்தானில், 23 தனியார் செயற்கோள் டிவி சேனல்கள், இந்திய நிகழ்ச்சிகளை ஒளிப்பரப்பி வருவது குறிப்பிடத்தக்கது.

English summary

Pakistan has banned Indian channels and Indian cinema broadcasting TV channels in 2010. But now 23 satellite channels are broadcasting Indian programmes.