டெல்லி மாணவிக்கு தாமினி என்று பெயர் வைத்த போராட்டக்காரர்கள்
டெல்லி: டெல்லியில் ஓடும் பேருந்தில் கற்பழிக்கப்பட்ட மருத்துவ படிப்பு மாணவிக்கு போராட்டக்காரர்கள் தாமினி என்று பெயர் வைத்துள்ளனர்.
டெல்லியில் ஓடும் பேருந்தில் மருத்துவ படிப்பு மாணவியை 6 பேர் கொண்ட கும்பல் சீரழித்தது. மேலும் இதை தடுக்க வந்த அவரின் ஆண் நண்பரையும் அக்கும்பல் இரும்புக் கம்பியால் தாக்கியது. மாணவியும் இரும்புக் கம்பியால் தாக்கப்பட்டதில் அவரது குடல் வெளியே வந்தது. இதையடுத்து டெல்லி சப்தர்ஜங் மருத்துவமனையில் சேர்க்கப்பட்ட அந்த மாணவி்ககு நேற்று வரை 6 அறுவை சிகிச்சைகள் செய்யப்பட்டுள்ளது.
இந்த சம்பவத்தை கண்டித்து டெல்லியில் ஏராளமானோர் கடந்த 2 நாட்களுக்கும் மேலாக போராட்டம் நடத்தி வருகின்றனர். இந்நிலையில் போராட்டக்காரர்கள் பாதிக்கப்பட்ட மாணவிக்கு தாமினி என்று பெயர் வைத்துள்ளனர். அவர்கள் தங்கள் கையில் வைத்திருந்த அட்டைகளில் 'போராடு தாமினி, நாங்கள் உன்னுடன் இருக்கிறோம்' என்று எழுதி வைத்திருந்தனர். தாமினி என்று பெயர் வைக்கப்பட்டுள்ள மாணவியின் உடல் நிலை தேறுவதும், மோசமடைவதுமாக உள்ளது.
தாமினி என்னும் இந்தி படம் கடந்த 1993ம் ஆண்டு ரிலீஸ் ஆனது. அதில் கற்பழிக்கப்பட்ட பெண்ணுக்கு நியாயம் கிடைக்க போராடும் கதாநாயகியின் பெயர் தான் தாமினி. அந்த பெயரைத் தான் டெல்லி மாணவிக்கு வைத்துள்ளனர்.
Click it and Unblock the Notifications
Sign in with Google