டெல்லி பலாத்கார சம்பவம்:பெண் உரிமைக்கான போராட்டம் தொடர அமெரிக்கா வேண்டுகோள்!

வாஷிங்டன்: பாலியல் பலாத்கார சம்பவத்தைத் தொடர்ந்து டெல்லியில் நடைபெற்ற போர்க்களமான காட்சிகளை அமெரிக்க ஊடகங்கள் முக்கியத்துவம் கொடுத்து வெளியிட்ட நிலையில் தற்போது அதிகாரப்பூர்வமாக கருத்து தெரிவித்திருக்கிறது.

அமெரிக்க அரசின் செய்தித் தொடர்பாளர் பேட்ரிக் வென்ட்ரில் கூறுகையில், டெல்லியில் இளம்பெண்ணுக்கு நேர்ந்த கொடூரமான சம்பவம் அதிர்ச்சியளிக்கிறது. அந்தப் பெண்ணுக்காகவும் அவர்தம் குடும்பத்தினருக்காகவும் பிரார்த்திக்கிறோம்.

இந்த சம்பவமானது இந்தியாவில் மட்டுமல்ல உலகெங்கும் பாலின ரீதியான வன்முறைக்கு எதிராக தொடர்ந்து போராட வேண்டும் என்பதையே வலியுறுத்துகிறது என்று கூறியுள்ளார்.

English summary

The US on Tuesday said the gang-rape of a student in New Delhi is a powerful and urgent reminder to continue fight against gender-based violence and for women's rights in India and around the world.