உலகின் அதி வேக நீண்ட ரயில் பாதை... அமைத்தது சீனா!

பெய்ஜிங்: உலகிலேயே மிகவும் நீளமான புல்லட் ரயில் பாதை என்ற பெருமையை சீனாவில் அமையும் பெய்ஜிங் - குவாங்ஸோ இடையிலான ரயில் பாதை பெற்றுள்ளது.

மின்னல் வேகத்தில் செல்லக் கூடிய புல்லட் ரயில்கள் இதில் இயக்கப்படவுள்ளன. இதற்கான பாதைதான் தற்போது அதி வேகமாக தயாராகியுள்ளது.

மொத்தம் 2298 கிலோமீட்டர் தொலைவுக்கு இந்த ரயில் பாதை அமைக்கப்பட்டுள்ளது. இதுதான் உலகிலேயே நீளமான ரயில் பாதையும் கூட.

ஹார்மோனி புல்லட் ரயில்

தலைநர் பெய்ஜிங்கையும், நாட்டின் வர்த்தக நகரமான குவாங்ஸோவையும் இந்த ரயில் பாதை இணைக்கிறது. இதன் மொத்த தூரம் 2298 கிலோமீட்டர் ஆகும்.

மாசேதுங் பிறந்த நாளில் திறப்பு

இந்த ரயில் பாதை மறைந்த மாசேதுங்கின் பிறந்த நாளான இன்று திறக்கப்படவுள்ளது.

பெய்ஜிங் -ஷாங்காய் மின்னல் வேக ரயில்

ஏற்கனவே பெய்ஜிங், ஷாங்காய் இடையே ஒரு மின்னல் வேக ரயிலை சீனா இயக்கி வருகிறது. இதன் தூரம் 1300 கிலோமீட்டர் ஆகும். இதன் பயண நேரம் 5 மணி நேரமாகும்.

மணிக்கு 300 கிலோமீட்டர் வேகத்தில்

இந்த அதி வேக ரயில் பாதையில் மணிக்கு 300 கிலோமீட்டர் வேகத்தில் புல்லட் ரயில்கள் பயணிக்கும் என்பது குறிப்பிடத்தக்கது. இதன் மூலம் பெய்ஜிங், குவாங்ஸோ இடையிலான பயண நேரம் 8 மணி நேரமாக குறையும்.

35 ஸ்டாப்பிங்குள்

பெய்ஜிங், குவாங்ஸோ இடையிலான இந்த ரயில் மார்க்கத்தில் மொத்தம் 35 நிறுத்தங்கள் அமையும்.

English summary

China is set to open a 2,298-km high-speed railway line, the world's longest, in about two weeks, linking the capital city with the country's trading hub of Guangzhou. According to the Ministry of Railways (MOR), the Beijing-Guangzhou high-speed railway will open on December 26, the birth anniversary of late Chairman Mao Zedong.