ஒபாமா பதவியேற்பு விழாவில் தேசிய கீதத்தை பாடுவது போல் நடித்து, தப்பு தப்பா வாயசைத்த பியான்ஸே

வாஷிங்டன்: பாரக் ஒபாமாவின் பதவியேற்பு விழாவில் பாப் பாடகி பியான்ஸே நோலஸ் சிறப்பாக தேசிய கீதம் பாடியதற்காக பாராட்டு பெற்றார். உண்மையில் அவர் பாடியது போன்று வாயசைத்துள்ளாார்.

கடந்த திங்கட்கிழமை நடந்த ஒபாமா பதவியேற்பு விழாவில் பிரபல பாப் பாடகி பியான்ஸே நோலஸ் அந்நாட்டு தேசிய கீதத்தை பாடினார். அதைக் கேட்டவர்கள் ஆஹா, பியான்ஸே என்ன அருமையாகப் பாடுகிறார் என்று பாராட்டியுள்ளனர். ஆனால் உண்மையில் அவர் பாடவில்லை. பதிவு செய்யப்பட்ட பாடலை ஓடவிட்டு அவர் வாயசைத்துள்ளார். அதையாவது சரியாகச் செய்தாரா, தப்பு தப்பாக வாயசைத்துள்ளார்.

நிகழ்ச்சியில் முதல் வரிசையில் அமர்ந்திருந்தவர்கள் பியான்ஸே தப்பா வாசையத்ததைப் பார்த்த பிறகு தான் அவர் பாடவில்லை என்றது தெரிய வந்தது.

இது குறித்து இசைக் குழுவின் செய்தித் தொடர்பாளர் கிறிஸ்டின் டுபாய்ஸ் கூறுகையில்,

தான் பாடாமல் பதிவு செய்யப்பட்ட பாடலுக்கு வாயசைக்கப் போகிறதாக பியான்ஸே கடைசி நிமிடத்தில் தான் தெரிவித்தார். அவர் ஏன் அவ்வாறு செய்தார் என்று காரணம் தெரியவில்லை. மேலும் பதவியேற்பு விழாவுக்கான அனைத்து இசையுமே ஏற்கனவே பதிவு செய்யப்படுவது வழக்கமான ஒன்று தான் என்றார்.

English summary

Pop singer Beyonce Knowles was praised for her soaring rendition of America’s national anthem on monday's presidential inauguration ceremony. But it is found out that her peformance was just mimed.