மலேசியா: இந்துக்கள் அமைப்பான ஹிண்ட்ராப் மீதான தடை நீக்கம்!!

கோலாலம்பூர்: மலேசியாவில் இந்துக்களின் அமைப்பான ஹிண்ட்ராப் மீதான தடையை விலக்கிக் கொள்வதாக அந்நாட்டு உள்துறை அமைச்சகம் அறிவித்திருக்கிறது.

ஹிண்ட்ராப் அமைப்புக்கு உள்துறை அமைச்சகம் அனுப்பிய கடிதத்தில் இந்தத் தகவல் தெரிவிக்கப்பட்டிருப்பதாக அதன் தலைவர் பி. வேதமூர்த்தி கூறியுள்ளார்.

இது தொடர்பாக உள்துறை அமைச்சகம் அனுப்பியுள்ள கடிதத்தில், நீங்கள் செய்திருந்த மேல்முறையீடுகளை மீண்டும் பரிசீலித்த பின்னர் உள்துறை அமைச்சர் மன்றங்கள் சட்டம் 1966, செக்சன் 5 இன் கீழ் அக்டோபர் 14, 2008 இல் ஹிண்ட்ராப் ஒரு சட்டவிரோத அமைப்பு என்று செய்யப்பட்ட அறிவிப்பை ரத்து செய்ய ஒப்புக்கொண்டுள்ளார் என்பதை உங்களுக்கு தெரிவிக்கிறோம், என்று கூறப்பட்டுள்ளது.

இது தொடர்பாக கருத்து தெரிவித்த ஹிண்ட்ராப் தேசிய ஒருங்கிணைப்பாளர் என். கணேசன், இது திடீர் சம்பவம். நாங்கள் முதலில் இது குறித்து விவாதிக்க வேண்டும். அதன் பின்னர்தான் முறையான பதில் அளிக்க முடியும் என்றார்.

English summary

The Malaysia government has extended an olive branch to Hindraf on the eve of Thaipusam by lifting its four-year ban on the non-governmental organisation.