கண்ட இடங்களில் தொட்டார், காதுக்குள் செக்ஸியாக பேசினார்.. பிரபல யோகா குரு மீது புகார்

லாஸ் ஏஞ்சலெஸ்: அமெரிக்காவில் வசித்து வரும் பிரபலமான யோகாசன குருவான பிக்ரம் செளத்ரி மீது 29 வயதான பெண் பரபரப்பு செக்ஸ் புகார்களை சுமத்தியுள்ளார்.

பிக்ரம் செளத்ரியின் வயது 67 ஆகிறது. அவர் மீது புகார் கொடுத்துள்ள பெண் சாரா பகான் தனது புகாரில், தன்னை கண்ட இடங்களில் தொட்டார். காதுக்கு நெருக்கமாக வந்து செக்ஸியான வார்த்தைகளைப் பயன்படுத்தினார். தொடர்ந்து தனக்கு செக்ஸ் டார்ச்சர் கொடுத்தார். எனது யோகா வாழ்க்கையை கெடுத்தார் என்று குற்றம் சாட்டியுள்ளார்.

ஹாலிவுட்டில் மிகவும் பிரபலமான யோகாகுரு இந்த பிக்ரம் செளத்ரி. பல்வேறு ஹாலிவுட் பிரபலங்களும் இவரின் வாடிக்கையாளர்களாக உள்ளனர். இந்த நிலையில் இவர் மீது செக்ஸ் டார்ச்சர் புகார் கிளம்பியுள்ளது பரபரப்பை ஏற்படுத்தியுள்ளது.

விதம் விதமான யோகாசனத்தை அமெரிக்கர்களுக்கு அறிமுகப்படுத்தியவர் பிக்ரம் செளத்ரி. அதில் முக்கியமானது கடும் வெப்பத்தின் கீழ் யோகா செய்வது. அதாவது 104டிகிரி பாரன்ஹீட் சூட்டுக்குக் கீழ் யோகாசனம் செய்வது. இதற்கு ஹாட் யோகா என்று இவர் பெயர் வைத்திருந்தார். இது அமெரிக்காவில் படு வேகமாக பிரபலமானதாகும்.

இந்த நிலையில் தற்போது பிக்ரம் மீது லாஸ் ஏஞ்சலெஸ் கோர்ட்டில் சாரா வழக்குத் தொடர்ந்துள்ளார். அதில், அடிக்கடி எனது உடலைத் தொடுவார் பிக்ரம் செளத்ரி. எனது காதுகளுக்கு நெருக்கமாக வந்து செக்ஸியாக பேசுவார். எனது உடல் அமைப்பு குறித்து செக்ஸியான கருத்து தெரிவிப்பார்.

தனது மனைவி ராஜஸ்ரீ குறித்து அசிங்கமாக பேசுவார். அவரை விபச்சாரி என்று என்னிடம் கூறுவார். தன்னை தனது மனைவியிடமிருந்து நான்தான் காப்பாற்ற வேண்டும் என்று சொல்வார் என்று கூறியுள்ளார் சாரா.

சாரா கல்லூரி மாணவியாக இருந்தபோது பிக்ரமின் யோகா வகுப்புகளுக்கு வர ஆரம்பித்தாராம்.

பிக்ரம் செளத்ரி 1973ம் ஆண்டு அப்போதைய அதிபர் நிக்சனின் அழைப்பின் பேரில் அமெரிக்கா சென்றார். நிக்ஸனுக்கு இருந்த உடல் உபாதை ஒன்றை அவர் சரி செய்தார். இதையடுத்து அவர் அப்படியே அமெரிக்காவில் செட்டிலானார் என்பது குறிப்பிடத்தக்கது.

மடோனா, பிப்பா மிடில்டன் உள்ளிட்ட பல்வேறு பிரபலங்கள் இவரது வாடிக்கையாளர்கள் என்பது குறிப்பிடத்தக்கது.

English summary

In the cut-throat world of Hollywood fitness gurus, he has long been the hottest property. Wearing nothing but the skimpiest of swimming trunks and a microphone, Bikram Choudhury won a legion of celebrity acolytes with his brand of ‘hot yoga’, which sees devotees exercise in temperatures up to 40C (104F). Now, according to allegations by one of Choudhury’s young protegees, it seems all that heat might have gone to his head. Sarah Baughn has accused him of sexually assaulting and harassing her, then sabotaging her career when she rebuffed him.