குழந்தைகள் நிதிக்காக பலூன்கள் மூலம் புதிய சாதனை பயணம்

பிரிட்டோரியா: சமூகசேவை மீது ஆர்வமுள்ள பலர் பலவிதங்களில் நிதி திரட்டி உதவி செய்கிறார்கள். அந்த வகையில், தென் ஆப்பிரிக்காவை சேர்ந்த மாட்சில்வர் (37) என்பவர் புதுமை முறையில் ஒரு சாதனை பயணத்தை மேற்கொண்டார்.

பலவர்ணங்களை கொண்ட 200 பலூன்களை ஒன்றாக இணைத்து அதன் மூலம் கொடிய முதலைகள் வாழும் நீர்நிலை வழியாக சுமார் 5 மைல் பறந்து சென்றார். நெல்சன் மண்டேலா சிறை வைக்கப்பட்ட ராபின் தீவில் இருந்து இந்த பயணத்தை அவர் தொடங்கி 90 நிமிடங்களில் இலக்கை அடைந்து நிறைவு செய்தார்.

இறுதியில் கடலுக்குள் போய் குதித்த அவரை மீட்புகுழுவினர் சென்று பத்திரமாக மீட்டு வந்தார்கள். ஜோகன்ஸ்பர்க் நகரில் குழந்தைகள் மருத்துவமனை கட்ட நிதி திரட்டும் விதமாக இந்த சாதனை நிகழ்ச்சி நடத்தப்பட்டது.

இந்த சாதனையாளர் மாட்சில்வர், மருத்துவ கருவிகள் தயாரிக்கும் கம்பெனியில் மேலாளராக பணியாற்றி வருபவர் ஆவார்.

English summary

South Africa's Matt Silver-Vallance floats above the sea using helium filled balloons from the airfield of Robben Island across the Atlantic Ocean in Cape Town April 6, 2013. Vallance made the 7 km flight to raise funds and awareness for the Nelson Mandela Children's Hospital.