மண்டேலா உடல்நிலை மீண்டும் பாதிப்பு- மருத்துவமனையில் அனுமதி!

ஜோகன்ஸ்பெர்க்: தென்னாப்பிரிக்காவின் முன்னாள் அதிபரான 94 வயது நெல்சன் மண்டேலாவுக்கு மீண்டும் உடல்நலக் குறைவு ஏற்பட்டதால் அவர் மருத்துவமனையில் அனுமதிக்கப்பட்டுள்ளார்.

கடந்த மார்ச் மாதம் நுரையீரல் பாதிக்கப்பட்டு சுவாசக் கோளாறால் அவதிப்பட்டார் மண்டேலா. இதைத் தொடர்ந்து மருத்துவமனையில் அவர் அனுமதிக்கப்பட்டிருந்தார். பின்னர் ஏப்ரல் 6-ந் தேதி மருத்துவமனையில் இருந்து அவர் வீடு திரும்பினார். தொடர்ந்து ஓய்வு எடுத்து வந்தார் அவர்.

இந்நிலையில் இன்று காலை அவருக்கு திடீரென மூச்சுத் திணறல் ஏற்பட்டது. இதனால் அவர் பிரெடோரியா மருத்துவமனையில் அனுமதிக்கப்பட்டுள்ளார். அவர் உடல்நிலை கவலைக்கிடமாக இருப்பதாகக் கூறப்படுகிறது. இருப்பினும் தென்னாப்பிரிக்கா அதிபர் ஜேக்கப் ஜூமா அலுவலக செய்திக் குறிப்போ அவரது உடல்நிலை சீரடைந்து வருகிறது என்று தெரிவிக்கிறது.

English summary

Former South African president and anti-apartheid icon Nelson Mandela is in a "serious but stable" conditon in hospital with a lung infection, a statement from the presidency has said.