'வயாக்ரா சாப்பிடுங்கள், வெற்றிகளை அள்ளுங்கள்: ரஷ்ய அதிபர் புதின் கருத்தால் சர்ச்சை

மாஸ்கோ: வயாகரா மாத்திரைகளை பயன் படுத்தி வெற்றிகளைக் குவியுங்கள் என்று ரஷ்யப் பிரதமர் புதின் தெரிவித்த கருத்து பெரும் சர்ச்சைக்கு உள்ளாகியுள்ளது.

ரஷ்யா கசான் நகரில் நடைபெற்ற சர்வதேச மாணவர்கள் விளையாட்டுப் போட்டியில், மூன்றாம் இடம் பிடித்த ஜப்பான் மாணவர்கள் 24 பதக்கங்களையும் இரண்டாம் இடம் பிடித்த சீன மாணவர்கள் 26 பதக்கங்களையும் வென்றனர்.

155 தங்கப் பதக்கங்களை வென்று, ரஷ்ய மாணவர்கள் முதல் இடத்தை பெற்றிருந்த போதும், வீரர்கள் இன்னும் சிறப்பாக விளையாடியிருக்கலாம் என ரஷ்ய ஊடகங்கள் விமர்சித்தன. இந்நிலையில், பதக்கம் வென்ற ரஷ்ய மாணவர்களுக்கு தலைநகர் மாஸ்கோ அருகே நடைபெற்ற பாராட்டு விழாவில் ரஷ்ய அதிபர் புதின் சிறப்பு விருந்தினராக கலந்து கொண்டார்.

விழாவில் தலைமை தாங்கிப் பேசிய புதின், ‘இதைப் போன்ற மிகப்பெரிய வெற்றிகளை நாம் பெற்றிருந்தாலும், சிலர் நம்மை குறை கூறி வருவதையே வழக்கமாக கொண்டுள்ளனர். அவர்களும் இதைப்போன்ற போட்டிகளில் பங்கேற்க வேண்டும் என்று நான் ஆலோசனை கூற விரும்புகிறேன். உடல் நல குறைபாடு ஏதுமிருந்தால் டாக்டரிடம் சிகிச்சை எடுத்துக் கொள்ளட்டும். 'வயாகரா' சாப்பிடுவது கூட அவர்களுக்கு நல்ல பலனைத் தரும்' எனத் தெரிவித்திருந்தார்.

புடினின் வயாக்ரா அறிவுரையால் எதிர்க்கட்சியினர் மற்றும் சமூக ஆர்வலர்கள் பெரும் கோபத்தில் உள்ளனர். அதிபராக இருந்து கொண்டு இவ்வாறு பொறுப்பற்று பேசுவதா என அவர்கள் கண்டனம் தெரிவித்துள்ளனர்.

English summary

Russian president Putin suggested his sportsmen to take Viagara for better energy.