நன்றாக பேசிக்கொண்டு இருந்த ஐபிஎல் Host.. திடீரென மயங்கி விழுந்தது எப்படி? யார் இந்த ஹக் எட்மைட்ஸ்?

Updated: Saturday, February 12, 2022, 15:03 [IST]

பெங்களூர்; 2022 ஐபிஎல் ஏலத்தில் வீரர்களை ஏலம் விட்டு வந்த ஹக் எட்மைட்ஸ் திடீரென மயங்கி. அங்கு என்ன நடந்தது என்பது பற்றிய விவரங்கள் வெளியாகி உள்ளது.

ஹக் எட்மைட்ஸ்

ஐபிஎல் தொடங்கியதில் இருந்தே ரிச்சர்ட் மேட்லி என்ற நபர்தான் இந்த ஏலத்தை நடத்தி வந்தார். 10 ஆண்டுகளாக தொடர்ந்து இவர் ஏலம் நடத்தி வந்தார். ஆனால் பிசிசிஐ அமைப்பிற்கும் இவருக்கும் சில கருத்து மோதல் வந்தது. இதனால் அவரின் ஒப்பந்தத்தை பிசிசிஐ ரத்து செய்தது. இதன்பின் பிசிசிஐ அணி ஹக் எட்மைட்ஸை எடுத்தது. ஏலத்துறையில் நீண்ட அனுபவம் கொண்டவர் ஹக் எட்மைட்ஸ்.

ஏலம்

2018ல் இருந்து ஹக் எட்மைட்ஸ் ஐபிஎல் ஏலத்தை மேற்கொண்டு வருகிறார். 36 வருடமாக இந்த துறையில் ஹக் எட்மைட்ஸ் இருக்கிறார். உலகம் முழுக்க 2500க்கும் மேற்பட்ட ஏல நிகழ்வுகளை இவர் தொகுத்து வழங்கி உள்ளார். உலக அளவில் கார்கள், ஓவியங்கள், கலைப்பொருட்களை ஏலம் விட்டு இருக்கிறார். சாதாரண பொருட்களை கூட அதிக விலைக்கு ஏலம் விட கூடிய ஆற்றல் கொண்டவர் இவர்.

யார் இவர்?

அதிகபட்சமாக கலை பொருட்களை ஹக் எட்மைட்ஸ் ஏலம் விடுத்து உள்ளார். 2004ல் இவர் Eric Clapton என்பவருக்கு சொந்தமான 88 கிட்டர்களை ஒரே ஏலத்தில் விட்டு $7,438,624 சம்பாதித்து சாதனை படைத்தார். இதேபோல் உலக அளவில் பிரபலமான பல ஏலங்களை ஹக் எட்மைட்ஸ் விட்டுள்ளார். அதேபோல் தொண்டு நிறுவன அமைப்புகளுக்காக ஹக் எட்மைட்ஸ் நிறைய ஏலங்களை விட்டுள்ளார் என்பது குறிப்பிடத்தக்கது.

என்ன நடந்தது?

இன்று நன்றாக சிரித்தபடி ஹக் எட்மைட்ஸ் ஏலம் விட்டுக்கொண்டு இருந்தார். முக்கியமாக இன்னைக்கு ஏலம் எடுப்பீர்களா.. இல்லை நாளைக்கு எடுப்பீர்களா என்று ஜாலியாக சிரித்து பேசியபடி ஏலம் விட்டுக்கொண்டு இருந்தார். கடைசியாக ஹஸரங்காவை ஏலம் விட்ட போது ஹக் எட்மைட்ஸ் மயங்கி விழுந்தார். அதற்கு முன்புதான் விரைவில் மதிய உணவு சாப்பிட செல்லலாம் என்று ஹக் எட்மைட்ஸ் குறிப்பிட்டார்.

மயங்கினார்

ஆனால் அதன்பின் பேசிக்கொண்டே இருக்கும் போது ஹக் எட்மைட்ஸ் மயங்கி விழுந்தார். மேடையில் இருந்து மைக் வைத்து இருந்தே ஸ்டேஜோடு சேர்ந்து ஹக் எட்மைட்ஸ் கீழே விழுந்தார். இதை பார்த்த அணி நிர்வாகிகள் அதிர்ச்சியாக எழுந்து நின்றனர். இதையயடுத்து அவருக்கு அவசர முதலுதவி வழங்கப்பட்டு வருகிறது . தற்போது உணவு இடைவேளை விடப்பட்டுள்ளது.