திமுக அமைச்சரவையில் 15 புதுமுகங்கள்.. 19 முன்னாள் அமைச்சர்கள்!.. அசத்திய ஸ்டாலின்!

Updated: Thursday, May 6, 2021, 20:33 [IST]

Subscribe to Oneindia Tamil

சென்னை: தமிழக சட்டசபையின் புதிய அமைச்சரவையின் பட்டியலில் புதிய முகங்கள் 15 பேர் அமைச்சரவையில் இடம்பெற்றுள்ளார்கள்.

Recommended Video

#BREAKING தமிழக அமைச்சரவை பட்டியல் வெளியானது!

நடந்து முடிந்த தேர்தலில் திமுக தனிப்பெரும் கட்சியாக உருவெடுத்துள்ளது. நாளை தமிழகத்தின் முதல்வராக முதல்முறையாக மு.க.ஸ்டாலின் பதவியேற்கிறார். எம்எல்ஏக்களின் ஆதரவு கடிதங்களுடன் நேற்றைய தினம் ஆட்சி அமைக்க ஆளுநர் பன்வாரிலால் புரோஹித்திடம் ஸ்டாலின் உரிமை கோரினார்.

இதையடுத்து ஆட்சி அமைக்க நேற்று மாலை ஸ்டாலினுக்கு அழைப்பு வந்தது. இது ஒரு புறமிருக்க ஸ்டாலின் அமைச்சரவையில் யார் யாருக்கு இடம் கிடைக்கும் என்ற எதிர்பார்ப்பு எழுந்துள்ளது.

பள்ளிக் கல்வித் துறை

அதிலும் சுகாதாரத் துறை, பள்ளிக் கல்வித் துறை உள்ளிட்டவை யாருக்கு வழங்கப்படும் என்ற எதிர்பார்ப்பும் எழுந்துள்ளது. இந்த நிலையில் இன்றைய தினம் திமுக அமைச்சரவை பட்டியல் வெளியானது. இதில் 19 பேர் முன்னாள் அமைச்சர்களாவர்.

தா மோ அன்பரசன்

அதாவது ஸ்டாலின், துரைமுருகன், கே என் நேரு, ஐ பெரியசாமி, பொன்முடி, எ.வ.வேலு, எம்ஆர்கே பன்னீர் செல்வம், கே கே எஸ் எஸ் ஆர் ராமச்சந்திரன், தங்கம் தென்னரசு, பெரியகருப்பன், தாமோ அன்பரசன், வெள்ளக்கோவில் சாமிநாதன், கீதா ஜீவன்,தா.ராமச்சந்திரன் ஆகியோர் ஏற்கெனவே 2006 இல் அமைச்சர்களாக இருந்தவர்கள். அது போல் திமுக ஆட்சியில் வேறு காலங்களிலும் அதிமுக ஆட்சியிலும் ஏற்கெனவே அமைச்சர்களாக இருந்தவர்கள் என்றால் அனிதா ராதாகிருஷ்ணன், ராஜகண்ணப்பன், செந்தில் பாலாஜி ஆகியோராவர்.

உதயநிதி ஸ்டாலின்

அது போல் அன்பில் மகேஷ் பொய்யாமொழிக்கு பள்ளிக் கல்வித் துறை வழங்கப்பட்டுள்ளது. சென்னையைச் சேர்ந்த 3 எம்எல்ஏக்கள் அமைச்சர்களாகியுள்ளனர். ஸ்டாலின், சேகர் பாபு, மா சுப்பிரமணியன் ஆகியோர்தான் அந்த 3 பேர்.

காம்போ

இந்த புதிய அமைச்சரவையில் 15 புதிய முகங்களுக்கு வாய்ப்பளிக்கப்பட்டுள்ளது. ஆர் காந்தி, மா சுப்பிரமணியன், பி மூர்த்தி, சிவசங்கர், பிகே சேகர் பாபு, செஞ்சி மஸ்தான், அன்பில் மகேஷ், மெய்யநாதன், சிவி கணேசன், மனோ தங்கராஜ், மதிவேந்தன், கயல்விழி, நாசர், பழனிவேல் தியாகராஜன், சக்கரபாணி ஆகியோர் அந்த புதுமுகங்களாவர்.

அமைச்சரவை

இந்த அமைச்சரவை பட்டியலில் உதயநிதி ஸ்டாலினுக்கு இடம் ஒதுக்கீடு செய்யப்படவில்லை. நாடாளுமன்றத் தேர்தல் மற்றும் சட்டசபைத் தேர்தல் வெற்றிக்கு ஒரு காரணமாக இருந்த உதயநிதிக்கு வேறு ஏதேனும் முக்கிய பதவி கிடைக்குமா என்ற எதிர்பார்ப்பு எழுந்துள்ளது.